ޚާރިޖީ ވަޒީރު ޑރ. ޢަބްދުﷲ ޚަލީލް، ކޮމަންވެލްތުގެ އައު ސެކްރެޓަރީ ޖެނެރަލް، ޝާރލީ އަޔޯރކޯރ ބޮޗްވޭ އަށް މަރުޙަބާ ވިދާޅުވެއްޖެއެވެ.
މިރޭ އެކްސްގައި ކުރެއްވި ޕޯސްޓެއްގައި ވަޒީރު ޑރ. ޚަލީލް ވިދާޅުވީ، ރާއްޖެއާއި ކޮމަންވެލްތުން ހިއްސާކުރާ އުސޫލުތައް ދަމަހައްޓައި، ދެ ފަރާތުން ހިއްސާކުރާ ލަނޑުދަނޑިތައް މުޅި ކޮމަންވެލްތުގައި ކުރިއެރުވުމަށް އައު ސެކްރެޓަރީ ޖެނެރަލާއެކު މަސައްކަތް ކުރައްވަން ބޭނުންފުޅުވާ ކަމަށެވެ.
Warm congratulations to @AyorkorBotchwey, on your appointment as the Secretary General of the Commonwealth.
I look forward to working closely with you to uphold our shared values and advance our common goals across the Commonwealth. I am confident that under your visionary…
— Abdulla Khaleel (@abkhaleel) April 1, 2025
މީގެ އިތުރުން ވަޒީރު ވަނީ، އައު ސެކްރެޓަރީ ޖެނެރަލްގެ ލީޑަރޝިޕްގެ ދަށުގައި ކޮމަންވެލްތު ކުރިއަރައި، ކުރިއަށް އޮތް އަހަރުތަކުގައިވެސް ރާއްޖެއާއި ކޮމަންވެލްތުގެ އެއްބާރުލުން އިތުރަށް ވަރުގަދަވެގެންދާނެކަން ޔަޤީންކުރައްވާ ކަމުގައި ވިދާޅުވެފައެވެ.
ކޮމަންވެލްތުގެ ސެކްރެޓަރީ ޖެނެރަލް ކަމަށް ޝާލީ ބޮޗްވޭ އިންތިޚާބުކޮށްފައިވަނީ މިދިޔަ އަހަރު ސަމޯއާގައި ބޭއްވި ކޮމަންވެލްތު ޤައުމުތަކުގެ އިސްވެރިންގެ 27 ވަނަ ބައްދަލުވުމުގައެވެ. އަދި އެކަމަނާ ރަސްމީ ގޮތުން ކޮމަންވެލްތުގެ ސެކްރެޓަރީ ޖެނެރަލްގެ މަސްއޫލިއްޔަތުތަކާ ހަވާލުވެވަޑައިގެންނެވީ މިއަދެވެ.
މި ލިޔުން ކިޔާލުމުން
