ފިތުރު ޒަކާތުގެ ގޮތުގައި 13 މިލިއަން ރުފިޔާ

ފިތުރު ޒަކާތުގެ ގޮތުގައި 3 މިލިއަން ރުފިޔާ މިއަހަރަކީ ފިޠުރު ޒަކާތުގެ ގޮތުގައި އެންމެ ގިނަ ފައިސާ ލިބުނު އަހަރު  ކަމަށް އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސަޢީދު ވިދާޅުވެއްޖެއެވެ. މިއަހަރު ފިތުރު ޒަކާތުގެ ގޮތުގައި ވަނީ 13 މިލިއަށް ވުރެ ގިނަ ރުފިޔާ ލިބިފައެވެ.

މިއަހަރަކީ ފިޠުރު ޒަކާތުގެ ގޮތުގައި އެންމެ ގިނަ ފައިސާ ލިބުނު އަހަރު. އަދި ދަފްތަރު ކުރެވިފައިވާ ފަޤީރުންނަށަ އެއް ހަމައަކުން އެންމެ ގިނަ ފައިސާ ޖަމާކުރެވުނު އަހަރު. ދިވެހި ލޮބުވެތި ރައްޔިތުންނަށް ޝުކުރު ދަންނަވަން. pic.twitter.com/kVpmCoM8XV

— Mohamed Shaheem Ali Saeed (@Mohamedshaheem1) March 29, 2025

ވޭތުވެދިޔަ ފަސްއަހަރު ލިބިފައިވާ ފިތުރު ޒަކާތުގެ ތަފްޞީލަށް ބަލާއިރު 2023 އަދި 2024 ވަނަ އަހަރު  12 މިލިއަނަށް ވުރެ ގިނަ ރުފިޔާ ލިބިފައިވެއެވެ. 2022 ވަނަ އަހަރު 11 މިލިއަނަށް ވުރެ ގިނަ ރުފިޔާ ލިބިފައިވެއެވެ. މިއަހަރަކީ  ދަފްތަރު ކުރެވިފައިވާ ފަޤީރުންނަށަ އެއް ހަމައަކުން ފައިސާވެސް ޖަމާކުރެވޭ އަހަރުކަން ވެސް ފާހަގަކުރެވެއެވެ. ފަޤީރުންގެ ދަފްތަރުފައިވާ ކޮންމެ ފަރުދަކަށް ފިޠުރު ޒަކާތުގެ ގޮތުގައި 4500 ރުފިޔާ ވަނީ ޖަމާކޮށްފައެވެ. އަދި 5 ލައްކަ ރުފިޔާ ފަލަޞްޠީނުގެ ޣައްޒާގެ ކުޑަކުދިންގެ ކާބޯ ތަކެއްޗަށް އިންޝާ ﷲ ހަދިޔާކުރަންވަނީ ނިންމާފައެވެ. ގޮވާމުން މާލެ އޭރިއާގެ ކޮންމެ ފަޤީރަކަށް 15 ކިލޯ ޖެހުނު ކަމަށް މިނިސްޓްރީން މައުލޫމާތުދެއެވެ. މިނިސްޓަރ ޝަހީމް ވަނީ މިކަމަށް ދިވެހި ރައްޔިތުންނަށް ޝުކުރުވެސް ދަންނަވާފައެވެ.