މިޔަންމާއަށް 7.6 މެގްނިޓިއުޑްގެ ބިންހެލުމެއް އަތުވެއްޖެ

މިޔަންމާއަށް 7.6 މެގްނިޓިއުޑްގެ ބާރުމިނުގައި ބިންހެލުމެއް އަތުވެއްޖެއެވެ. މެޓް އޮފީހުން ހާމަކޮށްފައިވާ ގޮތުގައި މި ބިންހެލުން އައިސްފައިވަނީ މިއަދު 11:32 ގައެވެ.

An Earthquake of magnitude 7.6 has occurred in Myanmar. There is no threat to Maldives. pic.twitter.com/kP9d8SteiY

— Maldives Meteorology (@MetMaldives) March 28, 2025

މި ބިންހެލުން އައިސްފައިވަނީ ރާއްޖެއާ 3،121 ކިލޯމީޓަރު ދުރުންނެވެ. އަދި މި ބިންހެލުމުގެ އަސަރު ރާއްޖެއަށް ކުރާނެ ކަމަށް ނުފެންނަ ކަމަށް މެޓް އޮފީހުން ވަނީ ބުނެފައެވެ. ނަމަވެސް މި ބިންހެލުމުގެ އަސަރު ބަންގްލަދޭޝް، އިންޑިއާ، ލާއޯސް، ތައިލޭންޑް އަދި ޗައިނާގެ ވެސް ބައެއް ހިސާބުތަކަށް ވަނީ ކޮށްފައެވެ. މި ބިންހެލުމުގެ ސަބަބުން ތައިލެންޑްގެ ވެރިރަށް ބެންކޮކްގެ އިމާރާތެއް ވެއްޓި، މީހަކު މަރުވެފައިވެއެވެ. އަދި ބިންހެލުމުގެ ސަބަބުން ބެންކޮކްގެ އުސް ގިނަ އިމާރާތްތަކަކަށް ގެއްލުންވެފައިވާ ކަމަށް ބެންކޮކްގެ ގަވަރުނަރާ ހަވާލާދީ ރޮއިޓާސް އިން ރިޕޯޓުކުރެއެވެ.