އާދިއްތަ, November 22
24 ގަޑިއިރު ތެރޭ ފަލަސްތީނުގެ 61 މީހަކު ޝަހީދުކޮށްލައިފި

ފަލަސްތީނުގެ ސިއްހީ ވުޒާރާއިން މިއަދު ހާމަކުރި  ގޮތުން، މިދިޔަ 24 ގަޑިއިރުގެ ތެރޭގައި އިސްރާއީލުން ދިން ހަމަލާތަކުގައި ފަލަސްތީނުގެ 61 މީހަކު ވަނީ ޝަހީދުވެފައެވެ. ޝަހީދުވެފައިވާ މީހުންގެ ތެރޭގައި ގިނައީ އަންހެނުންނާއި ކުޑަކުދިން ކަމަށް އެ ވުޒާރާއިން މައުލޫމާތުދެއެވެ.

ފަލަސްތީނުގެ ޣައްޒާ ސަރަހައްދަށް އިސްރާއީލުން ދެމުންދާ ހަމަލާތައް އިތުރު ކުރުމުން  ބައިނަލްއަޤްވާމީ މުޖުތަމަޢުން ދަނީ މިކަމާ ކަންބޮޑުވުން ފާޅުކުރަމުންނެވެ.

އދ. ގެ ސެކްރެޓަރީ ޖެނެރަލް އެންޓޯނިއޯ ގުޓެރެސް ވެސް ވަނީ ހަނގުރާމައިގެ ހާލަތު ވަގުތުން ހުއްޓާލުމަށް ގޮވާލާފައެވެ.

އިސްރާއީލުން ފަހުން ފެށި ހަމަލާތަކާ ގުޅިގެން ދިވެހިރާއްޖޭގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެސް ވަނީ ކަންބޮޑުވުން ފާޅުކުރައްވާފައެވެ. އެމަނިކުފާނު ވިދާޅުވީ ފަލަސްތީނުގެ އާންމު ރައްޔިތުންނަށް އަމާޒުކޮށް ދެވޭ ހަމަލާތައް ވަގުތުން ހުއްޓާލަންޖެހޭ ކަމަށެވެ.

އިސްރާއީލުން ފަލަސްތީނަށް ދެމުންދާ ހަމަލާތަކުގެ ސަބަބުން މިހާތަނަށް އެތައް ހާސް މީހުން މަރުވެ، އެތައް ލައްކަ މީހުން ވަނީ ގެދޮރު ދޫކޮށް ދާން މަޖުބޫރުވެފައެވެ.

މި ހާލަތު އިތުރަށް ގޯސްވެ، އިންސާނީ ބޮޑު ކާރިސާއަކަށް ވެގެން ހިނގައިދާނެ ކަމުގެ ބިރު ބައިނަލްއަޤްވާމީ މުޖުތަމަޢުން ދަނީ ފާޅުކުރަމުންދެއެވެ.

މި ލިޔުން ކިޔާލުމުން

Like
Love
Ah Ah
Wow
Sad
ކިޔުންތެރިންގެ ހިޔާލު