ޗޮކުލެޓު މޫސް އަކީ ޗޮކުލެޓަށް ލޯބިކުރާ އެންމެންވެސް ގަޔާވާނެ އެއްޗެއްކަން ޔަޤީނެވެ. މިއީ ތައްޔާރުކޮށްލަން ފަސޭހަ އަދި ކާލަން އެހާމެ މީރު ޑިޒާޓެކެވެ.
ބޭނުންވާނެ ތަކެތި:
1 ½ ޖޯޑު ވިޕިންގ ކްރީމް
¼ ޖޯޑު ކޮކޯ ޕައުޑަރ
½ ޖޯޑު އައިސިންގ ޝުގަރ
½ ސައިސަމުސާ ވެނީލާ އެސެންސް
ތައްޔާރުކުރާނެ ގޮތް:
ހޭންޑް މިކްސަރަކުން ވިޕިންގ ކްރީމް ބޯވަންދެން ގިރާށެވެ. އޭގެ ތެރެއަށް ވެނީލާ އެސެންސް، ކޮކޯ ޕައުޑަރ އަދި އައިސިންގ ޝުގަރ އެޅުމަށްފަހު ރަނގަޅަށް އެއްވަންދެން މަޑުމަޑުން ގިރަމުންދާށެވެ. ތައްޔާރުކުރި ޗޮކުލެޓު މޫސް ޓްރޭއަކަށް އެޅުމަށްފަހު 2 ގަޑިއިރު ވަންދެން ފިނިކުރަން ފުރިޖަށް ލާށެވެ. ބޭނުންނަމަ ސްޓްރޯބެރީ ނުވަތަ ވިޕިންގ ކްރީމާއެކު ސާވްކޮށްލާށެވެ.
