ތެލަސީމިއާ ސެންޓަރަށް އިންޓާނަލީ ގެންނަންޖެހޭ ބަދަލުތައް ވަރަށް އަވަހަށް ގެނެވޭނެ: ރައީސް

ތެލަސީމިއާ ސެންޓަރަށް އިންޓާނަލީ ގެންނަންޖެހޭ ބަދަލުތައް ވަރަށް އަވަހަށް ގެންނަވާނެ ކަމަށް ރައީސުލްޖުމުހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. ތެލަސީމިއާ ކުދިންނާއި އެކުދިންގެ ބެލެނިވެރިންގެ ކަންބޮޑުވުންތަކާއި ގުޅިގެން އެމަނިކުފާނު މިއަދު ވަނީ ތެލެސީމިއާ ސެންޓަރ އަދި ތެލެސީއާ ސެންޓަރު މިހާރު ބަދަލުކުރުމަށް ހަމަޖެހިފައިވާ ހުޅުމާލޭގެ " އޮރެންޖް ހިޔާ" އަށްވެސް ވަޑައިގެން ތެލެސީމިއާ ކުދިންގެ ކަންކަން ވަރަށް ގާތުން ބައްލަވާލައްވާފައެވެ.

President Dr @MMuizzu visits the National Thalassaemia Centre today, meeting with patients, listening to their concerns, and observing the centre’s daily operations – underscoring a commitment to improving thalassaemia care in the Maldives. He also met with staff and senior… pic.twitter.com/aWVOBHHfDL

— The President's Office (@presidencymv) March 23, 2025

އެގޮތުން ތެލަސީމިއާ ކުދިންނަށް ދިމާވާ ދަތިތަކަށް ހައްލު ހޯއްދެއްވުމުގެ މަސައްކަތް ކުރިއަށްގެންދަވާނީ އެމަނިކުފާނުގެ ބެއްލެވުމުގެ ދަށުން ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ވަނީ ވިދާޅުވެފައެވެ. މާލޭގައި ތެލަސީމިއާ ސެންޓަރު ހިންގާ މުއްދަތުގައި އެތަނުގައި ދެމުންގެންދާ ހިދުމަތް ރަނގަޅު ކުރުމަށް މަސައްކަތްތަކެއް ކުރެއްވުމަށް ވަނީ ނިންމަވާފައެވެ. އެގޮތުން އެ ސެންޓަރަށް ޑިރެކްޓަރ ޖެނެރަލްގެ މަޤާމް ހަމަޖެއްސުމާއި، މިހާރު ދިމާވެފައިވާ ފިލްޓަރުގެ މައްސަލަ ހައްލުކުރަން އަވަސް ފިޔަވަޅުތަކެއް އެޅުމަށް ވަނީ ނިންމަވާފައެވެ.  ރައީސް ވިދާޅުވީ ހުޅުމާލެއަށް ތެލަސީމިއާ ސެންޓަރުގެ މަސައްކަތްތައް ބަދަލުކުރައްވާނީ ރަނގަޅު ހިދުމަތްތަކާއެކު ކަމަށެވެ.