Monday, November 16
މީރާއިން ބިދޭސީ މަސައްކަތްތެރިންނަށް 400 އިފްތާރު ޕެކު ހަދިޔާކޮށްފި
ދައުލަތުގެ ޓެކްސް އިދާރާ، މޯލްޑިވްސް އިންލަންޑް ރެވެނިއު އޮތޯރިޓީ (މީރާ) އިން ބިދޭސީ މަސައްކަތްތެރިންނަށް އިފްތާރު ޕެކު ހަދިޔާކޮށްފިއެވެ. މިގޮތުން މީރާ އިން މިއަދު ބުނީ އެ އޮތޯރިޓީން މިޝަން ފޮރ މައިގްރަންޓް ވޯކާރސް މޯލްޑިވްސް (އެމްއެމްޑަބްލިޔު) އާ ގުޅިގެން ބިދޭސީ މަސައްކަތްތެރިންނަށް 400 އިފްތާރު ޕެކު ހަދިޔާކޮށް ބެހުމުގެ މަސައްކަތް ކޮށްފައިވާ ކަމަށެވެ. އެ އިދާރާއިން ބުނީ ދީލަތިކަމުގެ ޢަމަލުތަކުގެ ސަބަބުން މުޖުތަމަޢު ހަރުދަނާވެ، އޯގާތެރިކަމުގެ ސަގާފަތެއް އާލާވެގެންދާނެ ކަމަށެވެ. އެމްއެމްޑަބްލިޔު އެމް އަކީ ރާއްޖޭގައި ރަޖިސްޓްރީކޮށްފައިވާ ބިދޭސީ މަސައްކަތްތެރިންނަށް ޚާއްޞަ، ހިލޭ ސާބަހަށް މަސައްކަތް ކުރާ ފުރަތަމަ ޖަމުޢިއްޔާއެވެ. މި ޖަމުޢިއްޔާއިން މަސައްކަތްކުރަނީ ބިދޭސީ މަސައްކަތްތެރިންގެ ޙައްޤުތައް ކަށަވަރުކޮށް، އެ ފަރާތްތަކާމެދު އިންސާފުވެރިކަމާއެކު ޢަމަލުކުރާކަން ކަށަވަރު ކުރުމަށެވެ.

މި ލިޔުން ކިޔާލުމުން

Like
Love
Ah Ah
Wow
Sad
ކިޔުންތެރިންގެ ހިޔާލު