އެމްޑީޕީން ރޭ ބޭއްވި މުޒާހަރާއަކަށްފަހު ގެއަށް ދިޔަ މަގުމަތީގައި އެ ޕާޓީގެ ދެ އެކްޓިވިސްޓެއްގެ ގަޔަށް ބަޔަކު ކަޅުތެޔޮ ޖެހި މައްސަލަ ތަޙުޤީޤުކުރުމަށް ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) އިން ގޮވާލައިފިއެވެ.
އެޗްއާރުސީއެމްއިން ނެރުނު ބަޔާނުގައި މި ޢަމަލު ހަރުކަށި އިބާރާތުން ކުށްވެރިކޮށްފައެވެ. އަދި މިފަދަ މައްސަލަތައް ބެލުމުގެ އިޚްތިޞާޞް އޮންނަ ތަޙުޤީޤީ އިދާރާތަކާއި މުއައްސަސާތަކުން މި މައްސަލަ އިސްނަގައިގެން ބަލައި، އެކަށީގެންވާ އަވަސްމިނެއްގައި ތަޙުޤީޤުކޮށް، އަޅަންޖެހޭ ފިޔަވަޅުތައް އެޅުމަށް ވަނީ ގޮވާލާފައެވެ.
ކަޅުތެޔޮ ޖަހާފައިވަނީ އެމްޑީޕީގެ އެކްޓިވިސްޓް މަރިޔަމް ޒުބައިރާއި އެހެން ފިރިހެން އެކްޓިވިސްޓެއްގެ ގަޔަށެވެ.
މި މައްސަލަ ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދުވެސް ވަނީ ހަރުކަށި އިބާރާތުން ކުށްވެރިކުރައްވާފައެވެ.
އެޗްއާރުސީއެމްއިން ވަނީ ސިޔާސީ ހަރަކާތްތައް ކުރިއަށް ގެންދާއިރު، އެއް ބަޔަކު އަނެއް ބައެއްގެ ޙައްޤުތަކަށް އިޙްތިރާމުކުރުމުގެ މުހިންމުކަން ފާހަގަކޮށް ބަދަލުހިފުމުގެ ރޫހުގައި އެއްވެސް ބަޔަކު އެއްވެސް ޢަމަލެއް ނުހިންގުމަށް އިލްތިމާސް ކޮށްފައެވެ.
މި ލިޔުން ކިޔާލުމުން
