ހުޅުމާލެ ހޮސްޕިޓަލުގެ އިމަޖެންސީ ރޫމް (އީއާރް) ބޮޑުކޮށް، ތަރައްޤީކުރުމަށް ފަށާފައިވާ ޕްރޮޖެކްޓްގެ މަސައްކަތް މިނިސްޓަރ އޮފް ހެލްތު އަބުދުﷲ ނާޡިމް އިބްރާހިމް މިއަދުު ބައްލަވާލައްވައިފިއެވެ.
މި ޕްރޮޖެކްޓްގެ މަސައްކަތް ހިނގަމުންދާގޮތް މިނިސްޓަރ ބައްލަވާލައްވާފައިވަނީ މިއަދު އެ ހޮސްޕިޓަލަށް ކުރެއްވި ޒިޔާރަތުގެ ތެރެއިންނެވެ.
މި އެއްބަސްވުމުގެ ދަށުން އެ ހޮސްޕިޓަލްގައި މިހާރު ހުރި 7 އެނދުގެ އިމަރޖެންސީ ރޫމް ޒަމާނީ ވަސީލަތްތަކާއެކު 14 އެނދަށް ބަދަލުކޮށް، ކްރިޓިކަލް ޙާލަތްތަކުގައި ފަރުވާ ދިނުމަށް ޚާއްސަ ކުރެވޭ ތަނަކަށް ބަދަލުކުރުމަށް ވަނީ ނިންމާފައެވެ.
މީގެއިތުރުން މިޒިޔާރަތުގައި މިނިސްޓަރ ވަނީ އެހޮސްޕިޓަލުން މިހާރު ދެމުންގެންދާ ޚިދުމަތް ފުޅާކޮށް، ޚިދުމަތް ދިނުމުގައި ދިމާވަމުންދާ ދަތިތައް ޙައްލުކުރުމާއި ގުޅޭގޮތުން މަޝްވަރާކުރައްވާފައެވެ.
During the visit, Minister @ANazim2019 observed the new ER expansion at Hulhumalé Hospital, which includes 14 additional ER beds to enhance emergency care capacity. @HMH_mv #RoadhaigeRoohu pic.twitter.com/rKNSLXgL6O
— Ministry of Health (@MoHmv) March 11, 2025
އެގޮތުން ޑޮކްޓަރަށް ދެއްކުމަށް އޮންނަ ކިއު ކުޑަކުރުމާއެކު ، ރައްޔިތުންނަށް ފަސޭހަކަމާއިއެކު ޚިދުމަތް ލިބޭނެ އިންތިޒާމް ހަމަޖެއްސުމާއި ގުޅޭގޮތުން ވަނީ މަޝްވަރާކުރައްވާފައެވެ.
މިނިސްޓަރ ނާޒިމް މިދިޔަ ހަފްތާގައި ވަނީ އައިޖީއެމްއެޗްގެ އިސްވެރިންނާއި ވެސް ބައްދަލުކުރައްވާ އެތަނުގައި ކުރިއަށްދާ މަސައްކަތް ޚިދުމަތް ދިނުމުގައި ހަރުދަނާކުރަންޖެހޭ ކަންކަމާއި ގުޅޭގޮތުން މަޝްވަރާކުރައްވާފައެވެ.
މި ލިޔުން ކިޔާލުމުން
