ދިވެހިރާއްޖޭގެ ތާރީޚްގައި ފުރަތަމަ ފަހަރަށް ކީރިތި ޤުރުއާން ހިތުދަސްކުރައްވާފައިވާ ހާފިޒުން ދަސްވެނިވުމަށް ރަސްމިޔާތެއް ބާއްވާން ނިންމައިފިއެވެ.
ހާފިޒުންގެ ދަސްވެނިވުމުގެ ރަސްމިއްޔާތު ބާއްވަން ނިންމާފައިވަނީ މި ރަމަޟާން މަހުގެ 27 ވަނަ ދުވަހުއެވެ.
މިނިސްޓަރ އޮފް އިސްލާމިކް އެފެއަރޒް ޑރ. މުޙައްމަދު ޝަހީމް އަލީ ސަޢީދު ވިދާޅުވީ މި ރަސްމިޔާތުގައި 20 އާއި 25 އާއި ދެމެދުގެ އަދަދެއްގެ ހާފިޒުން ދަސްވެނިވާނެ ކަމަށެވެ.
ހާފިޒުން ދަސްވެނިވުމަށް ބާއްވާ ތާރީޚީ ފުރަތަމަ ޚާއްޞަ ޙަފްލާ ރަމަޟާން 27 ވިލޭރޭ ބާއްވާ ގޮތައް ވަނީ ނިންމާފަ. މި ޙަފްލާގައި 20-25 ދެމެދު އަދަދެއްގެ ޙާފިޒުން ދަސްވެނިވާނެ. މިއީ ރާއްޖޭގެ ތާރީޚުގައި ވެސް މިކަމަށް ޚާއްޞަކޮށް ބޭއްވޭ މިފަދަ ފުރަތަމަ ޙަފްލާ.
— Mohamed Shaheem Ali Saeed (@Mohamedshaheem1) March 9, 2025
މޯލްޑިވްސް ކޮމިފިކޭޝަން އޮތޯރިޓީންވެސް މިހާރު ވަނީ ގުރުއާން ދަސްކުރާ ހާފިޒުންގެ ސަނަދު ދިވެހިރާއްޖޭގެ ޤައުމީ ސަނަދުގެ ލެވެލް 4 ގެ ސެޓްފިކެޓާއި އެއް ލެވެލެގެ ސެޓެފިކެޓެއް ކަމަށް ނިންމާފައެވެ.
މީގެ ކުރިން އިސްލާމިކް މިނިސްޓަރ ވަނީ ދަސްވެނިން ގްރަޖުއޭޓްވުމަށް ބޭނުންކުރާނެ ގައުންއެއް ފަރުމާކުރަން ހުޅުވާލާފައެވެ. އެއާއި އެކު ހެޔޮ އެދޭ ފަރާތަކުން ވަނީ އެކަން ހިލޭ ކޮށްދިނުމަށް ނިންމާފައެވެ.
މި ލިޔުން ކިޔާލުމުން
