އަންނަ އަންގާރަ ދުވަހުން ފެށިގެން، ރޯދަ ހަދިޔާ ދޫކުރާނީ މިފްކޯގެ ފިހާރަތަކުން ކަމަށް ސިޓީސް އެންޑް ލޯކަލް ގަވަރމަންޓް މިނިސްޓަރ އާދަމް ޝަރީފް އުމަރު ވިދާޅުވެއްޖެއެވެ.
މިނިސްޓަރ ވިދާޅުވީ މި ގޮތަށް މިފްކޯ ފިހާރަތަކުން މަސްދަޅު ދޫކުރަން ނިންމީ މިހާރު ގިނަބޔަކަށް މަސްދަޅު ދޫކުރެވިފައިވާ ކަމަށް ބެލެވޭތީ ކަމަށެވެ. އެގޮތުން މާލެ އަދި ހުޅުމާލޭގައި ހުރި މިފްކޯގެ ހަތަރު ފިހާރަ ހުޅުވިފައި ހުންނަ ގަޑި ތަކުގައި ރޯދަ ހަދިޔާ ދޫކުރުން ކުރިޔަށްދާނެ ކަމަށް ވެސް މިނިސްޓަރ މިއަދު ސޯޝަލް މިޑިއާގައި ކުރެއްވި ޕޯސްޓެއްގައި ވިދާޅުވި އެވެ.
މިހާތަނަށް އައިއިރު، މާލެ ސަރަޙައްދުގައި 48 ހާސް ގޭބިސީއަށް ވަނީ ރޯދަ ހަދިޔާ ފޯރުކޮށްދެވިފައި.
9 މާޗް (މިރޭ) އަދި 10 މާޗް ވަނަ ދުވަހުގެރޭ މިހާރެކޭ އެއްގޮތަށް 13 މަރުކަޒުގައި ރޯދަ ހަދިޔާ ދޫކުރުން ކުރިޔަށްދާނެ.
ގިނަ ފަރާތްތަކަކަށް ރޯދަ ހަދިޔާ ދޫކުރެވިފައިވުމާއެކު، މާޗް 11 ވަނަ…
— Adam Shareef Umar (@Adamshareefz) March 9, 2025
މިނިސްޓަރު ވިދާޅުވީ ރޯދަ ހަދިޔާ ދޫކުރާ މަރުކަޒުތައް މާޗް 11 ވަނަ ދުވަހުން ފެށިގެން ބަދަލުވީ ނަމަވެސް، ދޫކުރުން ކުރިޔަށްދާނީ މިހާރެކޭ އެއްގޮތަށް، އޮންލައިން ޓޯކަން ނިޒާމުގެ ތެރެއިން ކަމަށެވެ. އަދި ރޯދަ ހަދިޔާ ބޭނުންވާ ހުރިހާ ފަރާތްތަކަށް ހަދިޔާ ލިބެންދެން ކުރިޔަށް ދާނެ ކަމަށެވެ.
މިހާތަނަށް މާލޭގެ 8 ހާސް ގޭބިސީ އަކަށް މަސްދަޅު ދޫކުރެވިފައިވާ ކަމަށް މިނިސްޓަރ ވިދާޅުވިއެވެ.
މި ލިޔުން ކިޔާލުމުން
