އަޒީޒާ މިސްކިތުގެ ކަރަންޓުގެ މައްސަލަ ހައްލުކުރުންސްޓެލްކޯ އެމްޑީގެ ބެލުމުގެ ދަށުން ނިންމައިފިއެވެ.
ހުޅުމާލެ ސިޓީ ކައުންސިލަރު އަލީ އައިމަން ރޭ ސޯޝަލް މީޑިއާގައި ކުރި ޕޯސްޓެއްގައި ވިދާޅުވެފައިވަނީ، އަޒީޒާ މިސްކިތަށް ދިމާވެފައިވާ ކަރަންޓުގެ މައްސަލައާ ގުޅިގެން މިސްކިތުގެ އޭސީތައް ވަގުތީގޮތުން ބޭނުން ނުކުރެވި ހުއްޓިފައިވާ ކަމަށެވެ.
އެކަމަށް ހައްލު ހޯދައި ދިނުމަށް ސްޓެލްކޯ އަށް ދެންނެވުމުން އެ މަސައްކަތް ނިންމެވުމަށް މަސައްކަތް ކުރެއްވީ ސްޓެލްކޯ ގެ މެނޭޖިންގް ޑިރެކްޓަރުގެ އިސްނެގުމާއި އެކުކަމަށެވެ. އަދި އެމަސައްކަތް ކުރައްވަން ސަރަހައްދުގައި ހުންނެވި ކަމަށް ޕޯސްޓްގައި ވިދާޅުވިއެވެ.
'"ސްޓެލްކޯއަށް ގުޅުމަށްފަހު މިސްކިތަށް ދިޔައިރު ފެނުނީ ތަފާތު މަންޒަރެއް. މަސައްކަތް ރާވާ ހިންގަން ހުންނެވީ ސްޓެލްކޯ އެމްޑީ ހުސެއިން ފަހުމީ އެމްޑީގެ ބުރަ ޝެޑިއުލްތެރެއިން ވެސް ވަގުތު ދެއްވިކަމައްޓަކާ ވަރަށްބޮޑަށް ޝުކުރުއަދާކުރަން"' އައިމަން ވިދާޅުވެފައިވެއެވެ.
