މި ރަމަޟާން މަހު ބާޒާރުގައި މިރުހުގެ އަގު ހުރިއަގާ ބަލާއިރު ވަރަށް ބޮޑަށް އަގު ދަށްވެއްޖެއެވެ.
ރޯދަ މަސް ފެށުނުއިރު ބާޒާރުގައި ދިވެހި ރ މިރުސް ވިއްކަން ހުރީ 100ގ. ތިރީސް ފަސް ރުފިޔާ އަށެވެ. އެހެން ނަމަވެސް މިއަދު ބާޒާރުގައި މިރުސް ވިއްކަން ހުރީ ވިހި ރުފިޔާ އާއި 15 ރުފިޔާ އާއި ދެމެދުގެ އަގުތަކެއްގައެވެ.
ބާޒާރުގައި ތަކެއްތި ވިއްކާފަރާތްތަކުން ބުނީ މިރުހުގެ އަގު ދަށްވީ ލ އަތޮޅާއި ތ އަތޮޅުން ގިނަ އަދަދަކަށް މިރުސް ގެނެސްފައިވާތީ ކަމަށެވެ.
މީގެ އިތުރުން ބާޒާރުގައި ކޮޕީ ފަތް ވެސް ވަނީ އަގު ހެޔޮވެފައެވެ. ރޯދަ މަސް ފެށުނު އިރު ދެ ފަތުގެ ކޮޕީފަތު ބޮޏދިއެއް ހުރީ 15 ރުފިޔާ އަށެވެ. ނަމަވެސް މިއަދު ބާޒާރުގައި 4 ފަތުގެ ކޮޕީފަތް ބޮނޑިއެއް 1 ރުފިޔާ އަށް ލިބެންއެބަހުރިއެވެ. ބާޒާރުގައި ގިނައިން ހުރީ ތޮއްޑޫއިން ގެނެސްފައިވާ ކޮޕީފަތެވެ.
ބާޒާރުގައި ތަރުކާރީ އާއި މޭވާ ތިޔާގިނަމަވެސް ފަނި ގިރުމަށް ބޭނުންކުރާ ކަރާ، ކުރުނބާ، އަދި އަނބު ހުރީ އެއްގަގެއްގައި ހިފެހެއްޓިފައެވެ. އެގޮތުން ކަރާކިލޯ އެއް އަދި ވެސް ހުރީ 2 ރުފިޔާއަށެވެ. އަނބު ހުރީ 80-90 ރުފިޔާ އާއި ދެމެދުގައެވެ. ލުނބޯ ހުރީ ސާޅީސް ފަސް ރުފިޔާއަށެވެ.
ސަރުކާރުން ވަނީ ބާޒާރުގައި އަގު ކޮންމެ ދުވަހަކު ބަލާ އަގުމަތިވާ ތަކެތި ނުވަތަ ބާޒާރުގައި ނެތް ތަކެތި ގެނެސް އަގު ހުފެހެއްޓުމަށް ޚާއްޞަ މަސައްކަތެއް ފަށާފައެވެ.
މި ލިޔުން ކިޔާލުމުން
