މުލަކު މަގު ހެދުމުގެ މަޝްރޫޢު: މަގުތަކުގެ ދުވާރު ހެދުމުގެ މަސައްކަތް ކުރިއަށް

މ. މުލަކު މަގު ހެދުމުގެ މަޝްރޫއުގެ ދަށުން ބައެއް މަގުތަކުގެ ދުވާރު ހެދުމުގެ މަސައްކަތް ކުރިއަށްދާ ކަމުގައި ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން ބުނެފިއެވެ. އާރްޑީސީން ހާމަކޮށްފައިވާ ގޮތުގައި މ. މުލަކު މަގު ހެދުމުގެ މަޝްރޫއުގެ ދަށުން ސޯސަން މަގުގައި ދުވާރުގެ މަސައްކަތް އަދި މަގު އެއްވަރު ކުރުމުގެ މަސައްކަތް ދަނީ ކުރަމުންނެވެ.

މ. މުލަކު މަގު ހެދުމުގެ މަޝްރޫއުގެ ދަށުން ސޯސަން މަގުގައި ދުވާރުގެ މަސައްކަތް އަދި މަގު އެއްވަރު ކުރުމުގެ މަސައްކަތް ދަނީ ކުރަމުން. މީގެ އިތުރުން ސައިޓުގައި ޕޭވްމަންޓް ބްލޮކް ކެނޑުމުގެ މަސައްކަތް ވެސް ދަނީ ކުރަމުން.#TeamRDC pic.twitter.com/HuMDyXCWyP

— Road Development Corporation Ltd (@rdcmaldives) March 4, 2025

މީގެ އިތުރުން ސައިޓުގައި ޕޭވްމަންޓް ބްލޮކް ކެނޑުމުގެ މަސައްކަތް ވެސް ކުރަމުންދާ ކަމުގައި އެ ކޯޕަރޭޝަނުން ހާމަކުރެއެވެ. މި މަޝްރޫޢުގެ %68 އަށްވުރެ ބޮޑު ބައި މިހާރު ވަނީ ނިމިފައެވެ. މުލަކުއަތޮޅު މުލަކުގެ މަގުތައް ޒަމާނީ ފެންވަރަށް ތަރައްޤީކުރުމުގެ މަސައްކަތް ސަރުކާރުން އާރްޑީސީ އާ ހަވާލުކުރީ 2021 ވަނަ އަހަރުއެވެ. މި މަޝްރޫޢުގެ ދަށުން ސްޓޯމްވޯޓަރ މެނޭޖްމަންޓް ސިސްޓަމެއް ހެދުމާއި، މަގުތަކުގައި ނިޝާންތައް ކުރެހުމާއި، ސްޕީޑް ބްރޭކަރާއި ނިޝާން ބޯޑުތައް ބެހެއްޓުންވެސް ހިމެނެއެވެ. އަދި މަގު ބައްތި ހަރުކުރުމާއި އެއަށް ބޭނުންވާ ކަރަންޓު ކޭބަލްވެސް މި މަޝްރޫޢުގެ ދަށުން އެޅުމަށް ހަމަޖެހިފައިވެއެވެ.