ގާތްގާތުގައި ދެ ކަރަންޓް ބިލު ފޮނުވަނީ ރޯދަ މަހުގެ ކަރަންޓް ޑިސްކައުންޓް ދިނުމަށް ބެކްލޮގް ފިލުވަން ކަމަށާއި ބިލުތައް ދެއްކުމަށް ޖޫރިމަނާ ނާރާ ގޮތަށް 30 ދުވަހުގެ މުއްދަތެއް ލިބޭނެ ކަމަށް ސްޓެލްކޯ ގެ މެނޭޖިންގ ޑިރެކްޓަރ ހުސެއިން ފަހުމީ ވިދާޅުވެއްޖެއެވެ.
ސްޓެލްކޯ ގެ އެމްޑީ "އެކްސް" ގައި މިރޭ ކުރެއްވި ޕޯސްޓެއްގައި ވަނީ ދެ ބިލް ފޮނުވަން ޖެހުނު ސަބަބު ސާފުކޮށްދެއްވާފައެވެ.
ފަހުމީ ވިދާޅުވީ ގާތް ގާތުގައި ދެ ބިލު ފޮނުވުމަކީ ކުރިއާލާ މީޑިޔާތައް މެދުވެރިކޮށް ހާމަކޮށްފައިވާ ކަމެއްކަން ކަމަށާއި ކުންފުނިން އެއްވެސް ކަމެއް ރައްޔިތުންނަށް އޮޅުވައިނުލާނެކަމަށެވެ.
ދެ ބިލަކީ އެއް ޔޫސޭޖަކަށް ކުރާ ބިލުތަކެއް ނޫންކަން ފާހަގަކޮށް ފަހުމީ ވިދާޅުވީ ބިލް ކުރަނީ ކޮން މުއްދަތެއްކަން ބިލުން ސާފުކޮށް ފެންނަން އޮންނާނެ ކަމަށެވެ.
ދެ ބިލަކީ ސްޓެލްކޯއިން ރީޑިން ނެގުމަށްފަހު ބިލް ފޮނުބުމުގައި އުޅޭ 20 ނުވަތަ 25 ދުވަހުގެ ބެކް ލޮގް ސާފުކުރުމަށް ފޮނުވާ ބިލެއް ކަމަށާއި އެބިލު ދެއްކުމުގައި ކަސްޓަމަރުންނަށް މާލީ ދަތިތަކަށް ލުއިތަކެއް ހޯދައިދިނުމުގެ ގޮތުން، ބިލުތައް ދެއްކުމަށް ޖޫރިމަނާ ނާރާ ގޮތަށް 30 ދުވަހުގެ މުއްދަތެއްވެސް ދީފައިވާނެ ކަމަށްވެސް ފަހުމީ ވިދާޅުވިއެވެ.
ސްޓެލްކޯއަކީ 75 އަހަރުގެ ގައުމީ ހިދުމަތުގެ ރެކޯޑް އޮތް ކުންފުންޏެއް. ސްޓެލްކޯއިން އެއްވެސް ކަމެއް ރައްޔިތުންނަށް އޮޅުވާލުމުގެ ނިޔަތުގައި ނުކުރާނެ ކަމުގެ ފުރިހަމަ ޔަގީންއަރުވަން. ގާތްގާތުގައި ދެ ބިލެއް ފޮނުވާ ވާހަކައަކީ މީޑިއާތައް މެދުވެރިކޮށް މީގެ ކުރިން އަޅުގަނޑުމެން ވަރަށް…
— Hussain Fahmy (@HussainFahmy09) March 3, 2025
މިގޮތަށް ދެ ބިލް ފޮނުވުމުގެ މަގުސަދުކަމަށް ފަހުމީ ފާހަގަކުރެއްވީ މުލަ ރޯދައިން ފެށިގެން ރޯދަމަހުގެ ބިލުތައް އެއް މަހުގެ ބިލުގެ ގޮތުގައި ތައްޔާރުކޮށް، އެބިލުގައި ސަރުކާރުން ދޭ ޑިސްކައުންޓު ޝާމިލުކުރުމެވެ. އަދި ކުރިން އޮތް ބެކްލޮގާއެކު ރޯދަމަހުގެ ބިލު ފޮނުވައިފިނަމަ ޑިސްކައުންޓު ލިބޭނީ ރޯދަމަހުގެ އެއްބަޔަށްކަން ފަހުމީ ފާހަގަކުރައްވާފައިވެއެވެ.
ބެކްލޮގް ފިލުވާލެވުމާއެކު އެޕްރީލް މަހުން ފެށިގެން އެމަހެއްގެ ފަހު ހަފްތާގައި ރީޑިންގ ނެގުމަށްފަހު ޖެހިގެން އަންނަ ދުވަހު އެ ބިލް ފޯރުކޮށްދިނުމުގެ ސަބަބުން ކަސްޓަމަރުންނަށް އެ ބިލްގައިވާ ރީޑިންގ އާއި މީޓަރާއި އަޅާ ކިއުމުގެ ފުރުސަތު ލިބޭކަން ފަހުމީ ފާހަގަކުރެއްވިއެވެ.
މި ލިޔުން ކިޔާލުމުން
