މިފްކޯގެ ސީއީއޯގެ މަގާމަށް މީގެ ތިން މަސް ކުރިން އައްޔަންކުރި ޑރ. ވިޓާލީ ލިއުބިމޮވް އެ މަގާމުން މިއަދު ވަކިކޮށްފިއެވެ.
ޕްރައިވެޓައިޒޭޝަން އެންޑް ކޯޕަރަަޓައިޒޭޝަން ބޯޑް (ޕީސީބީ)ން ބުނީ ސީއީއޯގެ އިތުރުން މެނޭޖިން ޑިރެކްޓަރުގެ މަގާމުގައި ވެސް ހުންނެވި ލިއުބިމޮވް މިއަދު މަގާމުން ވަކިކޮށްފައިވާ ކަމަށެވެ.
މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑްގެ މެނޭޖިން ޑިރެކްޓަރ އަދި ޗީފް އެގްޒެކްޓިވް އޮފިސަރ ކަމުގެ މަޤާމުގައި ހުންނެވި ޑޮކްޓަރ ވިޓާލީ ލިއުބިމޮވް މިއަދު އެ މަޤާމުން ވަކިކޮށްފައިވާ ކަން އެންމެހާ ފަރާތްތަކުގެ މަޢުލޫމާތަށްޓަކައި ދެންނެވީމެވެ .
— Privatization & Corporatization Board (@pcb_gov) March 3, 2025
އެކަމާ ގުޅޭ އިތުރު މައުލޫމާތެއް ޕީސީބީން ހާމައެއް ނުކުރެެއެވެ.
ލިއުބިމޮވް މިފްކޯގެ ސީއީއޯ ކަމާ ހަވާލުވީ މިދިޔަ ޑިސެމްބަރު މަހުގެ 10ގައެވެ.
މި ލިޔުން ކިޔާލުމުން
