އދ. ދިގުރަށުން 45 މީހުންނާއެކު މާލެއަށް ދަތުރުކުރަމުން ދިޔަ ލޯންޗެއް އަޑިއަށް ހިނގައްޖެއެވެ.
ފުލުހުންގެ ބުނީ މިހާދިސާ ފުލުހުންނަށް ރިޕޯޓްކޮށްފައިވަނީ މިއަދު ހެނދުނު 07:57 ހާއިރު ކަމަށެވެ.
"ހުވަން" ނަމަކަށް ކިޔާ މި ލޯންޗު ދަތުރުކުރަމުން ދިޔައީ އދ. ދިގުރަށުން މާލެއަށް ކަމަށާއި، މިލޯންޗުގައި 45 މީހުންނާއި 3 ފަޅުވެރިން ތިބިކަމަށް ފުލުހުން ވިދާޅުވެއެވެ. މީގެ ތެރޭގައި 4 ކުޑަކުދިންވެސް ހިމެނެއެވެ.
𝗦𝘄𝗶𝗳𝘁 𝗥𝗲𝘀𝗰𝘂𝗲: 𝗔𝗹𝗹 𝗦𝗮𝗳𝗲 𝗔𝗳𝘁𝗲𝗿 𝗟𝗮𝘂𝗻𝗰𝗵 "𝗛𝘂𝘃𝗮𝗻" 𝗦𝗶𝗻𝗸𝘀
At 07:57 this morning, we received reports of the launch *Huvan* sinking en route from Dhigurah to Male'. The vessel was carrying 45 passengers and 3 crew members. pic.twitter.com/0QyxeAjrYf
— Maldives Police (@PoliceMv) March 2, 2025
މިހާދިސާއާ ގުޅިގެން ފުލުހުންގެ އިމަރޖެންސީ ރެސްޕޮންސް ޓީމުތަކުން ލޯންޗު އަޑިއަށް ދިޔަ ސަރަހައްދަށް ގޮސް ކަނޑުވި ހުރިހާ އެންމެންވަނީ ސަލާމަތްކޮށްފައެވެ. ފުލުހުން ވިދާޅުވީ މި ހާދިސާގައި ކަނޑުވި އެންމެންގެ ހާލުވެސް ރަނގަޅު ކަމަށެވެ. އަދި މިހާރު އެންމެންވެސް ދިގުރަށަށް އަނބުރާ ގެންގޮސްފައިވާ ކަމަށެވެ.
މި ހާދިސާ ފުލުހުން ދަނީ ތަހުގީގު ކުރަމުންނެވެ.
ވޭތުވެ ދިޔަ ދެ ދުވަހަކީ ރާއްޖޭގެ ހުރިހާ ހިސާބަކަށް ވިއްސާރަ އަދި ބައެއް ސަރަހައްދުތަކަށް ވައި ގަދަ ދުވަސްވަރެކެވެ. މިއަދު ހެނދުނު ހަތަކާއި ހަމައަށް މޫސުމާިއ ބެހޭ އިދާރާޢިން ވަނީ އޮރެންޖް އިންޒާރު ރާއްޖޭގެ ބޮޑު ހިސާބަކަށް ނެރެފައެވެ.
މި ލިޔުން ކިޔާލުމުން
