މޫސުމާ ބެހޭ ޤައުމީ އިދާރާ، މެޓް އޮފީހުން މޫސުމާ ބެހޭ މަޢުލޫމާތު އެއްކުރަން ފެށި ފަހުން މިހާތަނަށް 24 ގަޑިއިރުގެ ތެރޭގައި އެންމެ ގިނައިން ވާރޭ ވެހިފައިވަނީ ކ. ދިއްފުއްޓަށް ކަމުގައި އެ އިދާރާއިން ހާމަކޮށްފިއެވެ.
K. Dhiffushi's automatic weather station recorded 296mm of rainfall in the past 24 hours! pic.twitter.com/5eiIT1wJaq
Advertisement— Maldives Meteorology (@MetMaldives) March 2, 2025
މިގޮތުން ދިއްފުށީގައި ޤާއިމްކޮށްފައިވާ އޮޓޮމެޓިކް ވެދަރ ސްޓޭޝަނުން ވަނީ އިއްޔެ 8:00 އިން މިއަދު ހެނދުނު 8:00 އާ ދެމެދު 296 މިލިމީޓަރުގެ ވާރޭ ވެހުނު ކަމަށް ރެކޯޑުކޮށްފައެވެ. މިއީ މިހާތަނަށް އެއް ދުވަހެއްގެ ތެރޭގައި ރާއްޖޭގެ ރަށަކަށް އެންމެ ގިނައިން ވާރޭވެހުނު ކަމަށް ރެކޯޑު ކުރެވުނު އަދަދެވެ.
މިހާތަނަށް އެންމެ ގިނައިން ވާރޭވެހުނު ކަމަށް ރެކޯޑު ކުރެވުނު ރަށްތައް
- ކ. ދިއްފުށި - 296.1 މިމިލީޓަރު (02 މާރިޗު 2025)
- ހއ. ކެލާ 231.5 މިލިމީޓަރު (12 އޮގަސްޓު 2024)
- މާލެ - 228.9 މިލިމީޓަރު (05 ޑިސެންބަރު 2018)
- ސ. ގަން - 228.4 މިލިމީޓަރު (24 ނޮވެންބަރު 2015)
- ގދ. ކާނޑެއްދޫ - 219.8 މިލިމީޓަރު (09 ޖުލައި 2002)
ރާއްޖެއަށް މެދުނުކެނޑި ބޯކޮށް ވާރޭވެހި އަދި ބައެއް ސަރަހައްދުތަކުގައި ފެންބޮޑުވެ އެކަމުގެ ސަބަބުން ވަރަށް ގިނަ ރައްޔިތުންނަށް ދަތިވެ، ގިނަގުނަ ތަކުލީފުތައް ތަހައްމަލުކުރަންޖެހިފައިވާތީ، މާރިޗު 2، 2025 ވަނަ ދުވަހަކީ ބަންދު ދުވަހެއްގެ ގޮތުގައި ކަނޑައެޅުއްވުމަށް ރައީސް ޑރ. މުޢިއްޒު ވަނީ ނިންމަވައިފައެވެ.
މާލޭގައި ފެންބޮޑުވެފައިވާއިރު، މާލެ ކައިރިން ކ. ހުރައާއި ކ. ގުރައިދޫގައިވެސް ފެންބޮޑުވެފައިވެއެވެ. އަދި ގައުމީ ދިފާއީ ބާރުންވަނީ އެ ދެ ރަށުގައިވެސް ފެން ހިންދުމުގެ މަސައްކަތް ރެއިން ފެށިގެން ކުރިއަށްގެންގޮސްފައެވެ.
މި ލިޔުން ކިޔާލުމުން
