ނ. ހޮޅުދޫގައި ފުލުހަކަށް ހަމަލާ ދިންކަމުގެ ތުހުމަތުގައި ދެ މީހަކު ހައްޔަރުކޮށްފި އެވެ.
ފުލުހުން މީޑިއާތަކަށް މިއަދު ފޮނުވި މެސެޖެއްގައި ބުނީ އެ ދެ މީހުން ހައްޔަރުކޮށްފައި ވަނީ މިދިޔަ ހޮނިހިރު ދުވަހު ކުރިއަށް ގެންދިޔަ އިހުތިޖާޖުގެ ތެރެއިން ފުލުހަކަށް ހަމަލާދީ، ޕޮލިސް ސްޓޭޝަނަށް ގެއްލުން ދީފައިވާ މައްސަލައަކާ ގުޅިގެން ކަމަށެވެ.
Advertisement
އެއީ މިދިޔަ އަހަރުގެ ސެޕްޓެމްބަރު މަހުގެ 10 ގައި މަރުވެފައި އޮއްވައި ފެނުނު ހޮޅުދޫ ޒަކިއްޔާ މޫސާގެ މަރުގެ ތަހުގީގު ލަސްވެ، އިންސާފު ވެސް ލިބުން ލަސްވެފައިވާ ކަމަށް ބުނެ ކުރިއަށް ގެންދާ އިހުތިޖާޖުގެ ތެރޭގަ އެވެ.
ފުލުހުން ބުނީ އެ ދެމީހުން ހައްޔަރުކޮށްފައިވަނީ ކޯޓު އަމުރެއްގެ ދަށުން ކަމަށެވެ. އެ މީހުންގެ ވަނަވަރު ފުލުހުން އަދި ހާމަނުކުރެ އެވެ.
މި ދެ މައްސަލަވެސް ފުލުހުން ގެންދަނީ ތަހުގީގު ކުރަމުންނެވެ.
މި ލިޔުން ކިޔާލުމުން
