ހުޅުމާލޭ ފޭސް 1 ގައި ވަގުތީ ޕާކިންގ ސަރަހައްދެއް ކަނޑައަޅައިފި

ގްރޭޓަރ މާލޭ ސަރަޙައްދުގައި ދިރިއުޅޭ ރައްޔިތުންނަށް ކުރިމަތިވެފައިވާ ޓެރްފިކް މައްސަލައަށް ޙައްލު ހޯދައިދިނުމުގެ ގޮތުންނާއި ރަމަޟާން މަހަށް ޚާއްޞަކޮށް ހުޅުމާލޭ ފޭސް 1 ގައި ވަގުތީ ޕާކިންގ ސަރަޙައްދެއް ޤާއިމުކޮށްފިއެވެ. އިއްޔެ މި ޕާރކިން ސަރަހައްދު ވަނީ ޢާންމުންނަށް ވަނީ ހުޅުވާލާފައެވެ.

ގުރޭޓަރ މާލޭ ސަރަޙައްދުގައި ދިރިއުޅުއްވާ ރައްޔިތުންނަށް ކުރިމަތިވެފައިވާ ޓެރްފިކް މައްސަލައަށް ޙައްލު ހޯދައިދިނުމުގެ ގޮތުންނާއި ރަމަޟާން މަހަށް ޚާއްޞަކޮށް ހުޅުމާލޭ ފޭސް 1 ގައި ވަގުތީ ޕާކިންގ ސަރަޙައްދެއް ޤާއިމުކޮށް ޢާންމުންނަށް ވަނީ ހުޅުވާލެވިފައިއެވެ. މިކަމަކީ ހުޅުމާލޭގައި… pic.twitter.com/dSJZcpx0GX

— Ministry of Transport and Civil Aviation (@MoTCAmv) February 25, 2025

މިކަމަކީ ހުޅުމާލޭގައި ދިރިއުޅޭ ރައްޔިތުންގެ ތެރެއިން ފައިމަގުގައި އުޅޭ ފަރާތްތަކާއި ދުއްވާ އެއްޗެހި ދުއްވާ ފަރާތްތަކަށް އިތުރު ލުއި ފަސޭހަކަމެއް ގެނެސްދޭނެ ކަމެއް ކަމަށް ޓްރާންސްޕޯޓް މިނިސްޓްރީން ދެކެއެެވެ. އެގޮތުން ހުޅުމާލޭގެ މަގުތަކުގައި ޕާރކް ކުރާ އުޅަނދުތަކުގެ ޢަދަދު މަދުވެ، ދަތުރުފަތުރުގެ ކަންކަމަށް ލުއިވެ ތަނަވަސް ވެގެންދާނެ ކަމަށް ވެސް މިނިސްްޓްރީން ދެކެއެވެ. އިއްޔެ ހުޅުމާލޭގައި މިކަމަށްޓަކައި ބޭއްވި ރަސްމިއްޔާތެއްގައި ޓްރާންސްޕޯޓް މިނިސްޓަރ މުހައްމަދު އަމީން އަދި ހޯމް މިނިސްޓަރ އަލީ އިހްސާން އަދި ފުލުހުންގެ އިސްވެރިންވެސް ބައިވެރިވަޑައިގެންނެވިއެވެ.