ސަރުކާރުން މަސައްކަތްކުރަނީ ދަނީ މަސްވެރިންނަށް ވެސް ރޯދަ އިނާޔަތް ލިބޭނެ އިންތިޒާމް ހަމަޖައްސަވަން ކަމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވެއްޖެއެވެ.
ދ.މީދޫ ރައްޔިތުންނާއި ރޭ ބައްދަލުކުރައްވާ ރައީސް ވަނީ، އެމަނިކުފާނުގެ ރިޔާސީ ވަޢުދާއި އެއްގޮތަށް އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ މެމްބަރުންނަށް ރޯދަމަހުގެ އިނާޔަތް މިހާރު ހަމަޖެހިފައިވާ ކަން ފާހަގަކުރައްވާފައެވެ.
އަޅުގަނޑެ ދެކޭގޮތުގައި ނިޒާމުގެ ތެރެއިން މަސައްކަތެއް ކުރާ މީހަކަށް ވިއްޔާ، ދިވެއްސެއްވިއްޔާ، މުސްލިމެއްވިއްޔާ ރޯދަ ޢިނާޔަތް ދޭންޖެހޭނެ – ރައީސުލްޖުމްހޫރިއްޔާ#RayyithunGaathah #DhaaluVisit pic.twitter.com/FwtuQS8VZP
— The President's Office (@presidencymv) February 24, 2025
ރައީސުލްޖުމްހޫރިއްޔާ ވިދާޅުވީ އެމަނިކުފާނު ބޭނުންފުޅުވަނީ ކުރިއަށް އޮތްތަނުގައި އިތުރު ފަންނުތަކުގެ ބޭފުޅުންނަށްވެސް ރޯދަމަހުގެ އިނާޔަތް ލިބޭނެ އިންތިޒާމް ހަމަޖެއްސެވުމަށްކަމަށެވެ. އެގޮތުން މަސްވެރިންނަށްވެސް ރޯދަ އިނާޔަތް ލިބުމަކީ އެމަނިކުފާނު ވަރަށް ބޮޑަށް އެދިވަޑައި ގަންނަވާ ކަމެއްކަމަށް ރައީސް ވިދާޅުވިއެވެ. އެ އަމާޒަށް ވާސިލްވުމުގެ ފެށުމަކީ މަސްވެރިންގެ ދަފްތަރުކަން އެމަނިކުފާނު ފާހަގަކުރެއްވިއެވެ.
"އެ ދަފްތަރުގައި ޖެހިގެން ބޭންކިން ނިޒާމުން ލޯނު ނެގުމާއި އެސްޓީއޯގެ ކްރެޑިޓް ސްކީމުން އެހީތެރިކަން ލިބުން ފަދަ ކަންކަން ފަހިވެގެންދާނެ މިއަހަރު ތެރޭގައި" ރައީސުލްޖުމްހޫރިއްޔާ ވިދާޅުވިއެވެ. މަސްވެރިންގެ އިތުރުން އެހެން ފަންނުތަކުގައި މަސައްކަތްކުރާ ބޭފުޅުންނަށްވެސް ރޯދަ އިނާޔަތް ލިބެންޖެހޭކަމަށް ވިދާޅުވަމުން ރައީސް ވަނީ އެކަންކަމަށް ވާސިލުވުމަށް ސަރުކާރުން މަސައްކަތްކުރައްވަމުން ގެންދަވާކަމަށްވެސް ވިދާޅުވެފައެވެ.
މި ލިޔުން ކިޔާލުމުން
