ސިއްހީ ދާއިރާއިން ގުޅިގެން މަސައްކަތް ކުރުމަށް ހެލްތު މިނިސްޓަރު އަބްދުﷲ ނާޒިމް އިބްރާހީމް އާއި އިންޑިއާގެ ހެލްތު މިނިސްޓަރާއެކު މަޝްވަރާ ކުރައްވައިފިއެވެ.
ހެލްތް މިނިސްޓްރީން ބުނީ މިނިސްޓަރު ނާޒިމް އިންޑިއާގެ ހެލްތު މިނިސްޓަރު ޖަގަތު ޕްރަކާޝް ނައްޑާއާ ބައްދަލު ކުރައްވައި، ސިއްހީ ދާއިރާއިން ގުޅިގެން މަސައްކަތްކުރުމާ ގުޅޭގޮތުން މަޝްވަރާ ކުރައްވާފައިވާ ކަމަށެވެ. އޭގެ ތެރޭގައި ބޭހުގެ ކަންކަމާއި ނަފުސާނީ ބަލިތަކާއި ޑިޖިޓަލް ދާއިރާއިން އަދި މީހުން ތަމްރީން ކުރުމާއި ގުޅޭގޮތުން މަޝްވަރާ ކުރައްވާފައިވާ ކަމަށް އެ ޕޯސްޓުގައިވެއެވެ.
Minister @ANazim2019 met with India’s Minister of Health & Family Welfare, @JPNadda , to discuss areas of support and collaboration in the health sector, including mental health and digital health. The meeting focused on strengthening partnerships to enhance healthcare services. pic.twitter.com/TDEDz0evVa
— Ministry of Health (@MoHmv) February 23, 2025
މިއީ ދެޤައުމުން ސިއްހީ ދާއިރާއިން ގުޅުން ހަރުދަނާކޮށް, އެ ދާއިރާގެ ފެންވަރު ރަނގަޅުކުރުމުގެ މަޤްސަދުގައި ބޭއްވި ބައްދަލުވުމެކެވެ.
މި ބައްދަލު ކުރެއްވުން ކުރިޔަށް ގެންގޮސްފައިވަނީ އިންޑިއާގެ ނިއުދިއްލީގައި އޮތް ގްލޯބަލް ހެލްތު ޑައިލޮގުގައި ބައިވެރިވެ ވަޑައިގަތުމަށް މިނިސްޓަރު ނާޒިމް އިންޑިއާއަށް ކުރެއްވި ދަތުރުފުޅުގެ ތެރެއިންނެވެ.
މިނިސްޓަރ ގެ މި ދަތުރުފުޅު ނިންމާ މިއަދު މާލެ އައުމަށް ވަނީ ހަމަޖެހިފައެވެ.
މި ލިޔުން ކިޔާލުމުން
