އެސްޓޯނިއާގެ މިނިވަންދުވަހުގެ މުނާސަބަތުގައި ރަައީސް ތަހުނިޔާ ވިދާޅުވެއްޖެ

އެސްޓޯނިއާގެ މިނިވަންދުވަހުގެ މުނާސަބަތުގައި އެ ޤައުމުގެ ރައީސް އަލާ ކާރިސް އަދި ބޮޑުވަޒީރު ކްރިސްޓެން މިކާލްއަށާއި އެ ޤައުމުގެ ރައްޔިތުންނަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ތަހުނިޔާ އަރިސްކުރައްވަައިފިއެވެ. އެސްޓޯނިއާގެ 107 ވަނަ މިނިވަންދުވަަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައި ރައީސްވަނީ އެސްޓޯނިއާގެ ރައީސް އަދި ބޮޑުވަޒީރަށާއި އެ ޤައުމުގެ ރައްޔިތުންނަށް މިނިވަންދުވަހުގެ މުނާސަބަތުގައި ތަހުނިޔާއާއި މުބާރަކުބާދީ އަރިސްކުރައްވާފައެވެ.

My warmest greetings to President @AlarKaris, Prime Minister @KristenMichalPM and the people of Estonia on their Independence Day. 🇪🇪 My recent visit to Estonia marked a significant turning point in the partnership between our countries, and I am confident that our bilateral… pic.twitter.com/fw8SmwUV2A

— Dr Mohamed Muizzu (@MMuizzu) February 24, 2025

ރައީސް އިތުރަށް ފާހަގަކުރެއްވީ އެސްޓޯނިއާއަށް އެމަަނިކުފާނު ކުރެއްވި ދަތުރުފުޅަކީ ދެ ޤައުމުގެ މެދުގައި އޮތް ގުޅުމުގެ މިސްރާބު ބަދަލުވެގެންދާނެ މުހިއްމު ދަތުރުފުޅެއް ކަމެވެ. އަދި ކުރިއަށް އޮތް ތަނުގައި ދެ ޤައުމުގެ މެދުގައި އޮތް އެކުވެރި ގުޅުން އިތުރަށް ބަދަހިވާނެކަމުގެ ޔަޤީންކަން އެބައޮތް ކަމަށް ރައީސް ވިދާޅުވިއެވެ. ރައީސް ޑރ. މުޙައްމަދު މުއިއްޒު އެސްޓޯނިއާއަށް ދާދިފަހުން ކުރެއްވި ރަސްމީ ދަތުރުފުޅުގައި ދިވެހިރާއްޖެއާއި އެސްޓޯނިއާގެ މެދުގައި މުހިއްމު ގިނަ ދާއިރާތަކަކުން އެއްބާރުލުން ދިނުމާ ގުޅޭ ގޮތުން މަޝްވަރާކުރެވި ބައެއް އެއްބަސްވުންތަކުގައި ވަނީ ސޮއިކޮށްފައެވެ.