ވަޒީރު ޑރ ޢާއިޝަތު ޝިހާމް ފުނަދޫ އަށް ވަޑައިގެންފި

އިޖުތިމާޢީ އަދި ޢާއިލީ ތަރައްޤީއާ ބެހޭ ވަޒީރު ޑރ. ޢާއިޝަތު ޝިހާމް ށ. ފުނަދޫއަށް ވަޑައިގެންފިއެވެ. ވަޒީރު ފުނަދޫ އަށް ވަޑައިގެންނެވުމުން އެ ރަށުން ވަނީ އެކަމަނާއަށް ވަރަށް ހޫނު މަރުޙަބާއެއް ދަންނަވައިފައެވެ.

ވަޒީރު ޑރ ޢާއިޝަތު ޝިހާމް ށ. ފުނަދޫއަށް! ވަޒީރުއަށް ފުނަދޫއިން ވަނީ ހޫނު މަރުޙަބާއެއް ކިޔާފައި. ވަޒީރުގެ މި ދަތުރުފުޅަކީ ށ އަތޮޅުގައި ޤާއިމްކުރެވިފައިވާ ފެމެލީ އެންޑް ޗިލްޑްރެން ސާވިސް ސެންޓަރުގެ މަސައްކަތްތައް ބައްލަވާލެއްވުމާއި، ދައުލަތުގެ ބެލުމުގެ ދަށުގައި ށ އަތޮޅު… pic.twitter.com/gxtxQYei1a

— Ministry of Social and Family Development (@MSFDmv) February 18, 2025

އެ ވުޒާރާއިން ހާމަކުރާ ގޮތުގައި ޑރ. ޢާއިޝަތު ޝިހާމްގެ މި ދަތުރުފުޅަކީ ށ. އަތޮޅުގައި ޤާއިމްކުރެވިފައިވާ ފެމިލީ އެންޑް ޗިލްޑްރަން ސަރވިސް ސެންޓަރުގެ މަސައްކަތްތައް ބައްލަވާލެއްވުމާއި، ދައުލަތުގެ ބެލުމުގެ ދަށުގައި ށ. އަތޮޅު އަމާންވެށީގައި ތިބި ކުދިންނަށް ޒިޔާރަތްކޮށް އެކުދިންގެ ހާލު ބަލާލުމަށް ކުރައްވާ ދަތުރުފުޅެއް ކަމަށެވެ. މީގެ އިތުރުން ވަޒީރުގެ ދަތުރުފުޅުގައި ކަމާ ގުޅުންހުރި އިދާރާތަކާއި، ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީއާ ގުޅިގެން އެ ވުޒާރާގެ މެންޑޭޓުގެ ދަށުން ފޯރުކޮށްދެވެން ހުރި ޚިދުމަތްތައް ފުޅާކުރުމާއި، އެކަންކަން އިތުރަށް ހަރުދަނާކުރުމަށް މަޝްވަރާކުރެއްވުމަށް ހަމަޖެހިފައިވާ ކަމަށްވެސް އެ ވުޒާރާއިން ހާމަކުރެއެވެ.