މިއަހަރު ދިވެހި ޙައްޖުވެރިންގެ އިސް ޝައިޚަކަށް ވަޑައިގަންނަވާނީ އިސްލާމިކް މިނިސްޓްރީގެ ޑެޕިއުޓީ މިނިސްޓަރ އައްޝައިޚް މުޠީޢު އިސްމާއިލް ކަމަށް އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސަޢީދު ވިދާޅުވެއްޖެއެވެ.
މިނިސްޓަރ މިކަން ހާމަކުރެއްވީ ސޯޝަލް މީޑިއާގައި ކުރެއްވި ޕޯސްޓެއްގައެވެ.
1446 ވަނަ އަހަރު ރާއްޖޭގެ ޙައްޖުވެރިންގެ އިސް ޝައިޚަކަށް ވަޑައިގަންނަވާނީ، އިސްލާމީ ކަންތައްތަކާ ބެހޭ ވުޒާރާގެ ވަޒީރުގެ ނާއިބު ފަޟީލަތުއްޝައިޚު މުޠީޢު އިސްމާޢީލް. އިންޝާ ﷲ pic.twitter.com/tbgwXPR6OP
— Mohamed Shaheem Ali Saeed (@Mohamedshaheem1) February 17, 2025
ވަޒީރުގެ ނާއިބު އައްޝައިޚް މުޠީޢު އިސްމާޢިލްއަކީ ސަޢުދީ އަރަބިއްޔާގެ ޤަސީމް ޔުނިވާސިޓީއިން މަތީ ތަޢުލީމް ޙާސިލްކުރައްވާފައިވާ ބޭފުޅެކެވެ.
އިއްޔެ މިނިސްޓްރީން ވަނީ މިއަހަރު ރާއްޖެއަށް ހައްޖަށްދާ މީހުން ގެންދިއުމަށް ޤައުމީ އެއަލައިން މޯލްޑިވިއަން އާއި އެކު އެއްބަސްވުމެއްގައި ސޮއިކޮށްފައެވެ.
މިދިޔަ އަހަރު ރާއްޖެއަށް ހައްޖަށް މީހުން ގެންދިއުމަށް ލިބިފައިވަނީ 1000 ކޯޓާއެވެ. ނަމަވެސް މި ކޮޓާ އިތުރުކޮށް، ހައްޖަށް ދިއުމަށް ހޭދަ ކުރާ އަދަދު ކުޑަކުރުމަށް ސަރުކާރުން ދަނީ މަސައްކަތް ކުރައްވަމުންނެވެ.
މި ލިޔުން ކިޔާލުމުން
