ގދ. ރަތަފަންދޫ ގޮނޑުދޮށް ހިމާޔަތްކުރުމުގެ މަޝްރޫޢުގެ %91 މަސައްކަތް ނިމިފައިވާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފިއެވެ.
އެމްޓީސީސީން މިއަދު ބުނީ އެ މަޝްރޫޢުގެ ދަށުން ބޭރު ތޮށި ޖެހުމުގެ މަސައްކަތް ނިމިފައިވާ ކަމަށާއި، ރެވެޓްމަންޓް ޕްރޮފައިލްކުރުމުގެ މަސައްކަތުގެ %82 މަސައްކަތާއި، ގޮނޑުދޮށަށް ވެލި ފުރުމުގެ މަސައްކަތުގެ %87 މަސައްކަތްވެސް ނިމިފައިވާ ކަމަށެވެ.
ގދ. ރަތަފަންދޫ ގޮނޑުދޮށް ހިމާޔަތްކުރުމުގެ މަޝްރޫޢުގެ %91 މަސައްކަތް މިހާރު ވަނީ ފުރިހަމަކުރެވިފައެވެ. މިގޮތުން، ބޭރު ތޮށި ޖެހުމުގެ މަސައްކަތް ވަނީ ނިމިފައެވެ. އަދި، ރެވެޓްމަންޓް ޕްރޮފައިލްކުރުމުގެ މަސައްކަތުގެ %82 މަސައްކަތާއި، ގޮނޑުދޮށަށް ވެލި ފުރުމުގެ މަސައްކަތުގެ %87… pic.twitter.com/08R3l0ncEx
— MTCC Plc (@MTCCPlc) February 18, 2025
26.27 މިލިއަން ރުފިޔާއަށް ހަވާލުކޮށްފައިވާ މި މަޝްރޫޢުގެ ދަށުން 461 މީޓަރުގެ ސަރަހައްދެއްގައި ރިވެޓްމެންޓް ޖެހުމާއި، 240 މީޓަރުގެ ސަރަހައްދެއްގައި ބޭރުތޮށި ލުމާއި 6600 އަކަމީޓަރުގެ ވެލި ގޮނޑުދޮށަށް އެޅުމުގެ މަސައްކަތް ކުރުން ހިމެނެއެވެ.
ރަތަފަންދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ މަސައްކަތް އެމްޓީސީސީ އާ ހަވާލުކުރީ 11 އޭޕްރީލް 2022 ގައި ކަމަށްވާއިރު، މި މަޝްރޫޢުގެ ޢަމަލީ މަސައްކަތް ފެށިފައި ވަނީ 3 ސެޕްޓެންބަރު 2022 ގައެވެ.
މި ލިޔުން ކިޔާލުމުން
