ޚާރިޖީ ވަޒީރު ޑރ. ޚަލީލް އޮމާނަށް ވަޑައިގަންނަވައިފި

ޚާރިޖީ ވަޒީރު، ޑރ. ޢަބްދުﷲ ޚަލީލް ރަސްމީ ދަތުރުފުޅެއްގައި އޮމާނަށް ވަޑައިގަންނަވައިފިއެވެ. ޚާރިޖީ ވުޒާރާއިން ހާމަކޮށްފައިވާ ގޮތުގައި ޑރ. ޚަލީލްގެ އޮމާނަށް ވަޑައިގެންނެވީ ފެބުރުވަރީ 16 އިން 17 އަށް މަސްކެޓްގައި ބާއްވާ 8 ވަނަ އިންޑިއަން އޯޝަން ކޮންފަރެންސްގައި ބައިވެރިވެވަޑައިގެންނެވުމަށެވެ. މި ކޮންފަރެންސްގެ މި އަހަރުގެ ތީމަކީ "ވޮޔޭޖު ޓު ނިއު ހޮރައިޒަންސް އޮފް މެރިޓައިމް ޕާޓްނަރޝިޕް" އެވެ.

Arrived in Muscat #Oman to participate in the 8th Indian Ocean Conference. Deeply appreciate the warm welcome and hospitality extended by the Government of Oman. I look forward to engaging in productive discussions and strengthening collaborations with my esteemed counterparts.… pic.twitter.com/FtJjRsSxlQ

— Abdulla Khaleel (@abkhaleel) February 15, 2025

އޮމާނަށް ވަޑައިގެންނެވުމަށްފަހު އެކްސްގައި ކުރެއްވި ޕޯސްޓެއްގައި ޑރ. ޚަލީލް ވަނީ އޮމާންގެ ސަރުކާރުން ދެއްވި ހޫނު މަރުޙަބާއާއި މެހުމާންދާރީއަށް ޝުކުރު ދަންނަވައިފައެވެ. މީގެ އިތުރުން، ކޮންފަރެންސްގެ ބައިވެރިންނާއެކު އުފެއްދުންތެރި މަޝްވަރާތަކެއް ކުރެއްވޭނެ ކަމަށް އުއްމީދުކުރައްވާ ކަމަށްވެސް ވަޒީރު ވިދާޅުވިއެވެ.