ކުރިއަށް އޮތް ރަމަޟާން މަހަށް ތައްޔާރުވުމުގެ ގޮތުން އިންޕޯޓުކުރެވޭ ޒަރޫރީ މުދާ ކްލިއަރ ކުރުމުގެ ކަންކަން ފަސޭހަ ނިޒާމެއްގެ ތެރެއިން ކުރިއަށް ގެންދިއުމައި ގުޅޭގޮތުން ކަމާއި ގުޅުން ހުރި އިދާރާތަކާއި އެކު އިކޮނޮމިކް މިނިސްޓަރ މުހައްމަދު ސަޢީދު މަޝްވަރާކޮށްފިއެވެ.
އެގޮތުން މުދާ ބޭރުކުމުގެ ކަންކަން ކަށަވަރުކުރުމުގެ ގޮތުން މޯލްޑިވްސް ޕޯރޓްސް ލިމިޓެޑް، މޯލްޑިވްސް އެއަރޕޯޓްސް ކޮމްޕެނީ ލޓޑ، މޯލްޑިވްސް ސްޓޭޓް ޝިޕިންގ، ސްޓޭޓްް ޓްރޭޑިންގ އޮގަނައިޒޭޝަން، އަދި މޯލްޑިވްސް ކަސްޓަމްސް ސަރވިސް ގެ އިސްފަރާތްތަކާއި އެކު މިނިސްޓަރ މިއަދު ވަނީ މަޝަވަރާކޮށްފައެވެ.
Minister @em_saeed convened a joint meeting with representatives from @CustomsMv , @Portmv , @stateshippingmv , @stoplc , and @MACLmedia to ensure the efficient clearance of essential cargo imports in preparation for Ramadan 1446. pic.twitter.com/apkKrLgbFf
— Ministry of Economic Development and Trade (@MoEDmv) February 10, 2025
މިނިސްޓަރ ސައީދު މީގެ ކުރިން ވަނީ ރަމަޞާން މަހަށް ރައްޔިތުންނަށް ކޮންމެހެން ބޭނުންވާ މުދާ ގެނެވެނެ އިންތިޒާމް ހަމަޖެއްސުމާއި ގުޅޭގޮތުން އެސްޓީއޯ ގެ އިސް ފަރާތްތަކާއި އެކުވެސް ބައްދަލުކޮށް މަޝްވަރާކޮށްފައެވެ.
އެސްޓީއޯ އިން ބުނީ ރަމަޟާން މަހަށް ބޭނުންވާ މުދާ ދަތިކަމެއްނެތި ލިބޭނެ އިންތިޒާމު ހަމަޖެއްސުމަށް ދުރާލާ ތައްޔާރުވަމުން އަންނަ ކަމަށެވެ. އެގޮތުން އަގު މައްޗަށް ދާ ބާވަތްތައް ދެނެގަނެ, ދުވަހުން ދުވަހަށް ބާޒާރުގެ އަގުތައް މޮނިޓަރ ކުރަމުން އަންނަ ކަމަށް އެސްޓިއޯ ގެ މެނޭޖިންގ ޑިރެކްޓަރ ވަނީ ވިދާޅުވެފައެވެ.
އެގޮތުން އެސްޓީއޯ އިން މިހާރު ވަނީ ލުނބޯގެ ފުރަތަމަ ޝިޕްމެންޓް ރާއްޖެ ގެނެސްފައެވެ. މި ލުނބޯޝިޕްމަންޓާއި އެކު ލުނބޯގެ އަގު ހެޔޮވާނެ ކަމަށް އެސްޓީއޯ އިން މައުލޫމާތުދެއެވެ.
އެސްޓީއޯ އިން ބުނީ ރަމަޟާން މަހު އަގުތައް މައްޗަށް ދިއުން ހުއްޓުވުމަށްޓަކައި، އާންމު ދިރިއުޅުމަށް ބޭނުންވާ މައިގަނޑު ކާބޯތަކެތީގެ އޯޑަރުތައް ކުރިއާލާ ކުރެވިފައިވާ ކަމަށެވެ.
މި ލިޔުން ކިޔާލުމުން
