މިނިސްޓަރ އިއްޔެ ވަނީ ދެކުނު ކޮރެއާގެ ހެލްތު އެންޑް ވެލްފެއާ މިނިސްޓްރީގެ ވައިސް މިނިސްޓަރ ޕާކް މިންސޫއާ ވެސް ބައްދަލުކުރައްވާފައިވެއެވެ. އެ ބައްދަލުކުރެއްވުމުގައި ރާއްޖޭގެ ޞިއްޙީ ދާއިރާގެ ޚިދުމަތްތެރިންނަށް ދެކުނު ކޮރެއާއިން ތަމްރީނު ދިނުމާމެދު މަޝްވަރާކުރައްވާފައިވެއެވެ. އަދި ޞިއްޙީ ދާއިރާގެ ޚިދުމަތްތައް ޑިޖިޓައިޒްކުރުމަށްޓަކައި، ޑިޖިޓަލް ޙައްލުތައް ތަންފީޒުކުރުމުގެ ދާއިރާއިން ދެ ޤައުމުގެ މެދުގައި އެއްބާރުލުން އިތުރުކުރެވޭނެ ގޮތްތަކާއި ގުޅޭގޮތުން މަޝްވަރާކުރެވުނު ކަމަށް ހެލްތު މިނިސްޓްރީން ވިދާޅުވިއެވެ. މިނިސްޓަރ އަބުދުﷲ ނާޒިމް އިބްރާހީމް ވަނީ އެގްޒެކެޓިވް ބޯޑުގެ މެމްބަރެއްގެ ގޮތުގައި އަދި ވައިސް ޗެއާގެ ހައިސިއްޔަތުން ޔުނިވާސަލް ހެލްތު ކަވަރޭޖާ ބެހޭ ސެޝަން ގެ ރިޔާސަތު ވެސް ބަލަހައްޓަވާފައެވެ.Minister of Health @ANazim2019 met with H.E. Dr. Haji Mohammad Isham, Minister of Health of Brunei, to discuss potential areas of collaboration in healthcare at sidelines of WHO #EB156 pic.twitter.com/ITQVXATfL4
— Ministry of Health (@MoHmv) February 4, 2025
ދުނިޔޭގެ ޞިއްޙަތު ޖަމްޢިއްޔާގެ އެގްޒެކެޓިވް ބޯޑުގެ 156 ވަނަ ބައްދަލުވުމުގައި ބައިވެރިވެވަޑައިގަތުމަށް މިނިސްޓަރު ނާޒިމު ކުރައްވަމުންދާ ދަތުރުފުޅުގައި އެކި ޤައުމުތަކުގެ އިސްވެރިންނާ ބައްދަލުކުރައްވައި ރާއްޖޭގެ ޞިއްޙީ ޚިދުމަތްތައް ތަރައްޤީކުރުމާ ގުޅޭ ގޮތުން މަޝްވަރާކުރައްވައި ދޭދޭ ޤައުމުތަކުން އެހީތެރިކަން ހޯއްދެވުމަށް މަސައްކަތްކުރައްވާނެ ކަމަށް މިނިސްޓްރީން ވަނީ ވިދާޅުވެފައެވެ.@ANazim2019 Minister of Health, as an Executive Board member and Vice Chair, chaired the session on Universal Health Coverage at #WHO #EB156 pic.twitter.com/acJE1A621K
— Ministry of Health (@MoHmv) February 5, 2025
