އިމާރާތްކުރުމުގެ ދާއިރާގައި މަސައްކަތްކުރާ ފަރާތްތަކާ ގުޅޭ ގަވާއިދަށް އިޞްލާޙު ގެނައުމާ ގުޅޭގޮތުން މަޝްވަރާކޮށްފި

އިމާރާތްކުރުމުގެ ދާއިރާގައި މަސައްކަތްކުރާ ފަރާތްތަކާ ގުޅޭ ގަވާއިދަށް އިޞްލާޙު ގެނައުމާ ގުޅޭގޮތުން އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވުޒާރާއިން ކޮންޓްރެކްޓަރސް އެސޯސިއޭޝަންގެ މެންބަރުންނާއެކު މަޝްވަރާކުރައްވައިފިއެވެ. މިގޮތުން އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވުޒާރާއިން ހާމަކުރިގޮތުގައި އެ ވުޒާރާގެ މިނިސްޓަރުގެ ނައިބު، މުޙައްމަދު ޢިމްރާން ޙަސަން އަދި އެ ވުޒާރާގެ ޓެކްނިކަލް ޓީމުން ވަނީ ބުރާސްފަތި ދުވަހު ކޮންޓްރެކްޓަރސް އެސޯސިއޭޝަންގެ މެންބަރުންނާ ބައްދަލުކުރައްވައިފައެވެ.

ޑެޕިއުޓީ މިނިސްޓަރ މުޙައްމަދު ޢިމްރާން ޙަސަން އަދި މިނިސްޓްރީގެ ޓެކްނިކަލް ޓީމުން، ކޮންޓްރެކްޓަރސް އެސޯސިއޭޝަންގެ މެންބަރުންނާއެކު މުހިންމު މަޝްވަރާ ބައްދަލުވުމެއް ބާއްވައިފިއެވެ. މި ބައްދަލުވުމަކީ، އިމާރާތްކުރުމުގެ ދާއިރާގައި ޢަމަލީ މަސައްކަތްކުރާ ފަރާތްތަކާ ގުޅޭ ގަވާއިދަށް… pic.twitter.com/w9HCcDUGSk

— Ministry of Construction, Housing & Infrastructure (@MoCImv) January 30, 2025

މި ބައްދަލުވުމުގައި މުހިންމު މަޝްވަރާތަކެއް ވަނީ ކުރިއަށްގެންގޮސްފައެވެ. އެގޮތުން އިމާރާތްކުރުމުގެ ދާއިރާގައި ޢަމަލީ މަސައްކަތްކުރާ ފަރާތްތަކާ ގުޅޭ ގަވާއިދަށް އިޞްލާޙު ގެނައުމާ ގުޅޭގޮތުން ވަނީ މަޝްވަރާކުރައްވައިފައެވެ. އެ ވުޒާރާއިން ބުނީ މިއީ އެ ގަވާއިދަށް އިޞްލާޙު ގެނައުމަށްޓަކައި ކުރިއަށްގެންދެވޭ ސްޓޭކްހޯލްޑަރ މަޝްވަރާ ބައްދަލުވުންތަކުގެ ސިލްސިލާގެ ތެރެއިން ބޭއްވުނު ބައްދަލުވުމެއް ކަމަށެވެ.