ހއ. އަތޮޅުގެ ބައެއް ރަށްތަކަށް ކުރެއްވި ދަތުރުފުޅު ނިންމަވާލެއްވުމަށްފަހު، ރައީސް ޑރ. މުޙައްމަދު މުޢިއްޒު
މިއަދު މާލެ ވަޑައިގެންފިއެވެ.
ރައީސް ޑރ. މުޢިއްޒު ހއ. އަތޮޅަށް ކުރެއްވި މި ދަތުރުފުޅުގައި ވަނީ އެ އަތޮޅުގެ 10 ރަށަކަށް ޒިޔާރަތްކުރައްވައިފައެވެ.
3 ދުވަހުގެ މި ދަތުރުފުޅުގައި އެމަނިކުފާނު ވަނީ ރަށު ކައުންސިލުތަކާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީތަކާއި، ރަށްރަށުގެ މުވައްސަސާތަކުގެ އިސްވެރިންނާ ބައްދަލުކުރައްވައި އެ ރަށްރަށުގެ ތަރައްގީއަށް ބޭނުންވާ ކަންކަމާ ގުޅޭ ގޮތުން މަޝްވަރާ ކުރައްވާފައެވެ.
މި ދަތުރުފުޅުގައި ރައީސް ވަނީ އެއިން ބައެއް ރަށްރަށުގެ ތަރައްގީއަށް ކުރިއަށްގެންދާ މަޝްރޫއުތައް ފަށްޓަވައިދެއްވައިފައެވެ. އަދި ބައެއް ރަށްރަށުގައި ގާއިމުކޮށް ނިމިފައިވާ ޚިދުމަތްތައް އިފުތިތާހުކޮށްދެއްވާފައެވެ.
މި ދަތުރުފުޅުގައި ވެސް ރައީސްގެ އަރިހުގައި ބައެއް ވަޒީރުންނާއި ސަރުކާރުގެ ބައެއް މުއައްސަސާތަކުގެ އިސްވެރިން ބައިވެރިވެވަޑައިގެންނެވިއެވެ.
