ޚާރިޖީ ވަޒީރުވެސް ރަސްމީ ދަތުރުފުޅެއްގައި ސަޢޫދީއަށް

ޚާރިޖީ ވަޒީރު ޑރ. ޢަބްދުﷲ ޚަލީލް، ރަސްމީ ދަތުރުފުޅެއްގައި ސަޢޫދީ ޢަރަބިއްޔާއަށް ފުރާވަޑައިގެންފިއެވެ. ޑރ. ޚަލީލް އެކްސްގައި ކުރެއްވި ޕޯސްޓުގައި ވިދާޅުވީ ސަޢޫދީ އަށް ކުރައްވާ މި ދަތުރުފުޅުގައި ސަޢޫދީ ޢަރަބިއްޔާގެ ޚާރިޖީ ވަޒީރު، ހިޒް ހައިނަސް ޕްރިންސް ފައިސަލް ބިން ފަރްހާން އަލް-ސައުދުގެ އިތުރުން ސަޢޫދީ ސަރުކާރުގެ އެހެން ޢިއްޒަތްތެރިންނާ ބައްދަލުކުރައްވާނެ ކަމަށެވެ.

Departing to Saudi Arabia on an Official Visit. I will be meeting with my counterpart His Highness Prince Faisal bin Farhan Al-Saud, the Minister of Foreign Affairs of Saudi Arabia and other dignitaries of the Government of Saudi Arabia to engage in discussions aimed at…

— Abdulla Khaleel (@abkhaleel) January 28, 2025

މީގެ އިތުރުން މި ބައްދަލުވުންތަކުގެ މަޝްވަރާތައް އަމާޒުކުރައްވާނީ ދެ ޤައުމުގެ ދެމެދުގައިވާ ގުޅުންތައް އިތުރަށް ހަރުދަނާކޮށް ވަރުގަދަކޮށް، ގުޅިގެން މަސައްކަތް ކުރެވިދާނެ އައު ދާއިރާތަކާ ގުޅޭގޮތުން ކަމަށްވެސް ވަޒީރުގެ ޕޯސްޓުގައި ވިދާޅުވެފައިވެއެވެ.