ކަސްޓަމުން ހިފަހައްޓާނީ ޤާނޫނަކުން ރާއްޖެ އެތެރެކުރުން މަނާކޮށްފައިވާ ތަކެތި އެކަނި ކަމަށް އެ އިދާރާއިން ބުނެފިއެވެ.
ކަސްޓަމްސް އިން މިހެން ބުނީ ދިވެހިރާއްޖެ ގެނައި ރޯލިން ޓޮބޭކޯ ޝިޕްމަންޓުތަކެއް ކަސްޓަމްސް އިން ހިފަހެއްޓުމަށްފަހު ދޫކޮށްލި ކަމަށް ބުނެ މީޑިއާތަކުގައި ދައުރުވަމުންދާ ހަބަރުތަކާއި ގުޅިގެންނެވެ.
ކަސްޓަމްސުން މިކަމާއި ގުޅިގެން އެކްސްގައި ހިއްސާކުރި ޕޯސްޓުގައި ބުނީ ކަސްޓަމްސަކީ ތަންފީޒީ އިދާރާއެއްކަމަށްވާތީ ކަސްޓަމްސުން ހިފަހައްޓާނީ ޤާނޫނަކުން ރާއްޖެ އެތެރެކުރުން މަނާކަމަށް ބަޔާންކޮށްފައިވާ ތަކެތި ކަމަށެވެ.
https://twitter.com/CustomsMv/status/1882062879454908422
އަދި ރާއްޖެއަށް އެތެރެކުރާ ހުރިހާ މުދަލެއްވެސް ކުލިއަރކުރާ މަރުހަލާގައި، ކަސްޓަމްސުން ބަލަންޖެހޭ އެކި އެކި ބެލުންތައް ބެލުމަށްފަހު، އެމުދަލެއް ޤާނޫނީގޮތުން ރާއްޖެ އެތެރެކުރުން މަނާނުވާ ނަމަ އެމުދަލެއް ދޫކުރަމުންގެންދާނެ ކަމަށް ކަސްޓަމްސުން ބުނެފައިވެއެވެ.
