މާލެ ފަޅުތެރެއަށް ދިޔަވެ އަޑިއަށް ދިޔަ ލޯންޗެއް ފެންމަތިކޮށްފިއެވެ.
އެމްއެންޑީއެފުން މިއަދު ބުނީ މާލޭގެ ދެކުނު ފަރާތު ފަޅުތެރޭ، ވިލާ ގޭހާ ދިމާލު އެއްގަމު ތޮށީގައި އަޅާފައި ވަނިކޮށް ދިޔަވެ އަޑިއަށްދިޔަ ލޯންޗެއް، ފަޔަރ އެންޑް ރެސްކިޔު ސަރވިސްގެ ސިފައިންގެ އެހީތެރިކަމާ އެކު ފެންމަތިކޮށްފައިވާ ކަމަށެވެ.
Advertisement
އެމްއެންޑީއެފުން ބުނީ އެ ހާދިސާގެ ރިޕޯޓް އެމްއެންޑީއެފް ފަޔަރ އެންޑް ރެސްކިޔު ސަރވިސްއަށް ލިބިފައިވަނީ އިއްޔެ 19:47 ހާއިރު ލިބުމާ އެކު އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ސިފައިން އެ ސަރަހައްދަށް ގޮސް ލޯންޗު ފެންމަތިކުރުމުގެ މަސައްކަތް ކޮށްފައިވާ ކަމަށެވެ.
އަދި ސިފައިން ކުރި މަސައްކަތުން އެ ލޯންޗް ފެންމަތިކުރެވިފައިވަނީ އިއްޔެ 22:00 ހާއިރު ކަމަށްވެސް އެމްއެންޑީއެފުން ހާމަކުރެއެވެ.
މި ލިޔުން ކިޔާލުމުން
