20 ޑޮކްޓަރުންނާއެކު އޭޑީކޭގެ މެޑިކަލް އިންޓަރންޝިޕް ޕުރޮގުރާމު ފަށައިފި

އޭޑީކޭ ހޮސްޕިޓަލުގެ މެޑިކަލް އިންޓަރންޝިޕްގެ ފުރަތަމަ ބުރު މިއަދު ފަށައިފިއެވެ. މިގޮތުން އޭޑީކޭއިން ހާމަކުރި ގޮތުގައި އެ ހޮސްޕިޓަލުގެ މެޑިކަލް އިންޓަރނުންގެ ފުރަތަމަ ބެޗު ވަނީ އެއް އަހަރު ދުވަހުގެ ތަމްރީން ޕުރޮގުރާމު މި މަހުގެ ތެރޭގައި ފަށައިފައެވެ. މޯލްޑިވްސް މެޑިކަލް އެންޑް ޑެންޓަލް ކައުންސިލް (އެމްއެމްޑީސީ) އިން ފާސްކޮށްފައިވާ 12 މަހުގެ މި ޕުރޮގުރާމުގައި އެކެޑެމިކް ލެކްޗަރތަކާއި، މަސައްކަތު ބައްދަލުވުންތަކާއި ކްލިނިކަލް ބައިތައްވެސް ހިމަނާފައިވާނެއެވެ.

Our 1st batch of medical interns has started their year-long training in January 2025. The MMDC-approved 12-month program includes structured academic lectures, workshops, and supervised case-based active-clinical participatory learning in all clinical settings within hospital,… pic.twitter.com/10xxw0dtlk

— ADK Hospital (@ADKHospital) January 22, 2025

އެ ހޮސްޕިޓަލުން ބުނީ ދުނިޔޭގެ އެކި މެޑިކަލް ކޮލެޖުތަކާއި ޔުނިވަރސިޓީތަކުން އައި މި 20 ޑޮކްޓަރުން، ހުނަރުވެރި، ޤާބިލް އަދި އޯގާތެރި ޑޮކްޓަރުންތަކަކަށް ހެދުމަށް އެހީތެރިވުމަށް މަސައްކަތްކުރާނެ ކަމަށެވެ. އޭޑީކޭގައި އިންޓަރންޝިޕް ފުރިހަމަކުރުމަށް މަހަކު 14،500ރ. ދައްކަންޖެހެއެވެ. އެއީ އަހަރަކަށް ކޮންމެ ޑޮކްޓަރަކަށް 174،000ރ. އެވެ. ރާއްޖޭގައި ޑޮކްޓަރުންނަށް ޕްރެކްޓިސްކުރުމުގެ ލައިސަންސް ލިބޭނީ އެމް.ބީ.ބީ.އެސް ހާސިލުކުރުމަށޤފަހު އެއް އަހަރު ދުވަހުގެ އިންޓަރންޝިޕެއް ފުރިހަމަ ކުރުމުންނެވެ. 2018 ވަނަ އަހަރުން ފެށިގެން އައިޖީއެމްއެޗުން އިންޓަރން ޑޮކްޓަރުން ތަމްރީންކުރަމުން އަންނައިރު، އެ ހޮސްޕިޓަލުގައި އިންޓަރންޝިޕް ހެދުމުގެ ޑިމާންޑް ބޮޑުވެ، ޞިއްޙީ ވުޒާރާއިން ވަނީ އޭޑީކޭގައި އިންޓަރންޝިޕް ޕުރޮގުރާމު ފަށައިދިނުމަށް އެދިފައެވެ.