މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އާއި އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާ އާ ގުޅިގެން ޚާއްޞަ އެހީއަށް ބޭނުންވާ ފަރާތްތަކަށް ހިންގި އިންޓަރންޝިޕް ޕުރޮގުރާމު ނިންމާލައިފިއެވެ.
މި ޕުރޮގުރާމުގެ ނިންމުމުގެ ރަސްމިއްޔާތު ބާއްވާފައިވާއިރު، ޕުރޮގުރާމު ނިންމި ހަތަރު ފަތާރަކަށް ވަނީ ހަނދާނީ ލިޔުން އަރުވައިފައެވެ.
We celebrate the successful completion of a six-month internship program for individuals with special needs, in collaboration with the @MSFDmv . We are proud of the four exceptional individuals who completed the program, showcasing resilience, dedication, and the potential to… pic.twitter.com/lssKEh8aGG
— Maldives Airports Company Ltd (@MACLmedia) January 21, 2025
އެމްއޭސީއެލް އިން މިއަދު އެކްސްގައި ކުރި ޕޯސްޓުގައި ބުނެފައި ވަނީ، ޕުރޮގުރާމު ފުރިހަމަކުރެއްވި ހަތަރު ބައިވެރިންނާމެދު ފަޚުރުވެރިވާ ކަމަށެވެ. އެގޮތުން އެ ފަރާތްތަކުން ވަނީ ކެތްތެރިކަމާއި، ޚިދުމަތްތެރިކަމާއި، ފުރުޞަތު ދީފިނަމަ ކުރިއެރޭނެކަން ދައްކުވައިދީފައި ކަމަށް އެ ޕޯސްޓުގައި ވެއެވެ.
ހަ މަސް ދުވަހުގެ މި އިންޓަރންޝިޕް ޕުރޮގުރާމު ފުރިހަމަ ކުރި ފަރާތްތަކުގެ ތެރެއިން އެއް ފަރާތަކަށް ވަނީ ދާއިމީ ވަޒީފާ ހަމަޖެހިފައެވެ.
މި އިންޓަރންޝިޕް ޕުރޮގުރާމަކީ އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާ އާއި އެމްއޭސީއެލް އާ ދެމެދު 2024 ވަނަ އަހަރުގެ ޖޫން މަހުގެ 9 ވަނަ ދުވަހު ސޮއިކުރެވުނު ފަހުމުނާމާގެ ދަށުން ފަށާފައިވާ ޕުރޮގުރާމެކެވެ.
މިއީ ނުކުޅެދުންތެރިކަން ހުންނަ ފަރާތްތަކަށް ވަޒީފާގެ ފުރުޞަތުތައް ފަހިކޮށްދިނުމަށް ސަރުކާރުން ކުރަމުންދާ މަސައްކަތުގެ ތެރެއިން ހާޞިލުކުރެވުނު މުހިންމު ކާމިޔާބީއެއް ކަމަށާއި، މިފަދަ އެހެނިހެން ފުރުޞަތުތައް ފަހިކޮށްދިނުމަށް ކަމާބެހޭ ފަރާތްތަކާ ގުޅިގެން މަސައްކަތް ކުރެވެމުންދާ ކަމަށް އެ ވުޒާރާއިން ވަނީ ބުނެފައެވެ.
މި ލިޔުން ކިޔާލުމުން
