ރ. އަތޮޅުގެ ދެ ރަށެއްގައި ސިހުރުގެ މައްސަލަތަކަކާ ގުޅޭ އޮޕަރޭޝަންތަކެއް ހިންގައިފިއެވެ.
ފުލުހުން މީޑިއާތަކަށް ހިއްސާ ކުރި މެސެޖެއްގައި ބުނީ ސިހުރު ހަދާ ކަމަށް ރިޕޯޓުކޮށްފައިވާ މައްސަލައަކާއި ގުޅިގެން ރ.އަލިފުށި އަދި ރ.މީދޫގައި ދަނީ އޮޕަރޭޝަންތަކެއް ހިންގަމުން ކަމަށެވެ.
މައުލޫމާތު ލިބޭގޮތުގައި މި އޮޕަރޭޝަންގައި އަލިފުށިން ފަސް ގެއެއް، އަދި މީދޫ އިން ހަ ގެއެއް ބަލާ ފާސްކޮށް، މިގެ ތަކުން ސިހުރު ހަދާ ކަމަށް ޝައްކު ކުރެވޭ އާލާތްތަކެއް ނަގައިފާވެއެވެ.
ފުލުހުން ބުނީ އިތުރު މައޫލޫމާތު ފަހުން ހިއްސާ ކުރެވޭނެ ކަމަށެވެ.
