Tuesday, November 17
ޖެޖޫ އައަރގެ "ބްލެކް ބޮކްސް" އިން ފަހު 4 މިނެޓްގެ ޑޭޓާ ވަނީ މަދުވެފައި

ޖެޖޫ އެއަރ މަތިންދާ ބޯޓްގެ ބްލެކް ބޮކްސް އިން ބޯޓު ވެއްޓުމުގެ ފަހު 4 މިނެޓުގެ ޑޭޓާ މަދުވެފައިވާކަމަށް ދެކުނު ކޮރެއާގެ ސަރުކާރުން ބުނެފިއެވެ.

ޑިސެމްބަރު 29 ވަނަ ދުވަހު ވެއްޓުނު ޖެޖޫ އެއަރގެ ފްލައިޓް ޑޭޓާ އަދި ކޮކްޕިޓް އަޑު ރެކޯޑަރުތައް ހުއްޓިފައިވަނީ ބޯޓު ދެކުނު ކޮރެއާގެ މުއާން އެއަރޕޯޓުގެ ކޮންކްރީޓް ސްޓްރަކްޗަރަކާ ޖެހުމުގެ 4 މިނެޓު ކުރިންނެވެ.

ދެކުނު ކޮރެއާގައި މިހާތަނަށް ހިނގި ވައިގެ އެންމެ ބޮޑު މި ހާދިސާގައި 179 މީހުން ވަނީ މަރުވެފައެވެ.

ބްލެކް ބޮކްސްގެ އަޑު ފުރަތަމަ ދެކުނު ކޮރެއާގައި ތަޙުލީލުކުރުމަށް ފަހު ޑޭޓާ މަދުވެފައިވާކަން ފާހަގަކުރެވުމުން، އެމެރިކާގެ ނެޝަނަލް ޓްރާންސްޕޯޓޭޝަން ސޭފްޓީ ބޯޑުގެ ލެބޯޓަރީއަށް ފޮނުވައިގެން އިތުރު ތަޙުލީލުތަކެއް ކުރެވިފައިވާކަމަށް ވެސް ޓްރާންސްޕޯޓް މިނިސްޓްރީން ވަނީ ބުނެފައެވެ.

ބޯޓުގެ ޕައިލެޓުން އެއަރ ޓްރެފިކް ކޮންޓްރޯލް އަށް އަންގާފައި ވަނީ ބޯޓުގައި ދޫންޏެއް ޖެހިފައިވާ ކަމަށެވެ. އިމަޖެންސީ ކޯލު ކުރުމުގެ 2 މިނެޓު ކުރިން، އެއަރ ޓްރެފިކް ކޮންޓްރޯލުން އެސަރަހައްދުގައި ދޫނިތައް ހަރަކާތްތެރިވާ ކަމުގެ އިންޒާރު ވަނީ ދީފައެވެ. އިމަޖެންސީ އިޢުލާނުކުރުމާއެކު، ޕައިލެޓުން ވަނީ ލޭންޑުކުރުމުގެ މަސައްކަތް ހުއްޓާލައި ގޯ-އެރައުންޑް އެއް ފަށާފައެވެ.

ކުރީގެ ޓްރާންސްޕޯޓް މިނިސްޓްރީގެ ހާދިސާ ތަޙުޤީޤުކުރާ ފަރާތްތަކުން ބުނެފައިވަނީ އެންމެ މުހިންމު ފަހު މިނެޓުތަކުގެ ޑޭޓާ މަދުވެފައިވާކަން ހާމަވުމަކީ ހައިރާންވާ ކަމެއް ކަމަށެވެ. އަދި މިއީ ބެކަޕް ހިމެނޭގޮތަށް ހުރިހާ ކަރަންޓެއް ކެނޑިފައިވާކަމުގެ އިޝާރާތެއް ކަމަށާއި، މިއީ ވަރަށް މަދުން ނޫނީ ދިމާވާ ކަމެއް ކަމަށް ވަނީ ބުނެފައެވެ.

ނަމަވެސް ޓްރާންސްޕޯޓް މިނިސްޓްރީން ބުނެފައި ވަނީ ތަޙުޤީޤުގައި ބޭނުންކުރެވޭނެ އެހެން ޑޭޓާތައް ހުރި ކަމަށާއި، ތަޙުޤީޤު ކަންކަން ހާމަކަން ބޮޑު ގޮތެއްގައި ހާދިސާގައި މަރުވި މީހުންގެ އާއިލާތަކާ ހިއްސާކުރާނެ ކަމަށެވެ.

މި ލިޔުން ކިޔާލުމުން

Like
Love
Ah Ah
Wow
Sad
ކިޔުންތެރިންގެ ހިޔާލު