ބޯކޮށް ވާރޭވެހި ފެންބޮޑުވާނެ ކަމަށް ލަފާކޮށް މޫސުމާއި ބެހޭ އިދާރާއިން އޮރެންޓް ސަމާލު ނެރެފިއެވެ.
މޫސުމާއި ބެހޭ ޤައުމީ އިދާރާއިން ވަނީ ބ އަތޮޅުން ފެށިގެން ތ އަތޮޅާއި ހަމައަށް މިއަދު ހަވީރު 3 ން މިރޭ ހަތެއް ޖެހުމާއި ހަމައަށް މި އެލާޓް ނެރެފައެވެ.
ބޯކޮށް ވާރޭވެހި މިހާތަނަށް 6 ރަށެއްގައި ފެން ބޮޑުވެފައިވާ ކަމުގެ ރިޕޯޓް ލިބިފައިވާ ކަމަށް ޑިޒާސްޓަރ މެނޭޖްމަންޓް ސެންޓަރުން ވަނީ ހާމަކޮށްފައެވެ.
ނޭޝަނަލް ޑިޒާސްޓަރ މެނޭޖްމަންޓް ސެންޓަރުން ހާމަކުރިގޮތުގައި އުދަ އެރުމުގެ ސަބަބުން ފެން ބޮޑުވެފައިވަނީ ށ ނަރުދޫ އަދި ރ އިނގުރައިދޫއެވެ. ވާރޭވެހިގެން ފެން ބޮޑުވެފައިވަނީ ދ. ކުޑަހުވަދޫ، ދ މީދު، ފ. ނިލަންދޫ އަދި ފަ މަގޫދޫއެވެ.
އެހެން ކަމުން މޫސުމާއި ބެހޭ އިދާރާތަކުން ނެރޭ އެލާޓް ތަކަށް އާއްމުން ސަމާލުވުމަށް އެ އިދާރާއިން އިލްތިމާސް ކުރެއެވެ.
