ހައްޖު ކޯޕަރޭޝަން ގެ ތުއްތު އުމުރާވެރިންނަަށް ދީނީ މައުލޫމާތު ދިނުމުގެ ހަވީރެއް

ޙައްޖު ކޯޕަރޭޝަންގެ ޙަވާލުގައި މިއަހަރު އުމުރާއަށް ދިޔަ އުމުރާވެރިންގެ ތެރޭގައި ހިމެނޭ ކުޑަކުދިންނަށް ދީނީ މައުލޫމާތު ދިނުމުގެ ހަވީރެއް ބާއްވައިފިއެވެ. "ހައްޖު ކޯޕަރޭޝަން ތުއްތު އުމުރާވެރިންނާއި އެކު" ނަމުގައި ދީނީ މައުލޫމާތު ދިނުމާއި ތުއްތު ކުދިންގެ ހިތުގައި އިސްލާމްދީނަށް ލޯބި ޖެއްސުމަށް ޚާއްޞަކޮށްގެން ކުޑަކުދިންގެ ހަވީރެއް ބާއްވާފައިވާ ކަން ހާމަކުރައްވާ ހައްޖު ކޯޕަރޭޝަންގެ މެނޭޖިންގ ޑިރެކްޓަރ ވަނީ ސޯޝަލް މީޑިއާގައި ފޮޓޯތަކެއް ހިއްސާކޮށްފައެވެ.

ހައްޖު ކޯޕަރޭޝަންގެ ހަވާލުގައި ޑިސެމްބަރ 2024 އުމްރާގެ އަޅުކަމަށް މައްކާއަށް އައި 822 އުމްރާވެރިންގެ ތެރޭގައި ހިމެނޭ ތުއްތު ކުދިންނަށް ހާއްސަކޮށްގެން "ހައްޖު ކޯޕަރޭޝަން ތުއްތު އުމްރާ ވެރިންނާއެކު"ނަމުގައި ދީނީ މައުލޫމާތު ދިނުމާއި ތުއްތު ކުދިންގެ ހިތުގައި އިސްލާމްދީނަށް ލޯބި… pic.twitter.com/X1d6cpFzGY

— Mohamed Shakeel 🇲🇻 (@schakyyl) January 2, 2025

ޙައްޖު ކޯޕަރޭޝަންގެ މެނޭޖިންގ ޑިރެކްޓަރ މުޙައްމަދު ޝަކީލް ބުނީ އެ ކޯޕަރޭޝަންގެ ޙަވާލުގައި މިއަހަރު އުމުރާ ގެ އަޅުކަން އަދާކުރުމަށް މައްކާއަށް ދިޔަ އުމުރާވެރިންގެ ތެރޭގައި ހިމެނޭ ކުޑަކުދިންނަށް ޚާއްޞަކޮށްގެން ހައްޖު ކޯޕަރޭޝަންގެ ހަވާލުގައި މި ޑިސެމްބަރު މަހު 822 އުމުރާވެރިން ދިޔައެވެ. މިއަހަރު ޑިސެމްބަރ މަހު ރާއްޖެއިން ހަ ހާހަށް ވުރެ ގިނަ މީހުން އުމުރާގެ އަޅުކަން އަދާކުރަން ދިޔައެވެ. ޑިސެމްބަރު މަހު އުމުރާއަށް ދިޔަ އުމުރާވެރިން މާދަމާ އިން ފެށިގެން ރާއްޖެ އަންނަން ފަށާނެއެވެ.