ޔަލަމްލަމް ހައްޖު އެންޑް އުމްރާ ގުރޫޕާއެކު ސައުދީ އަރަބިއްޔާ އަށް އުމްރާއަށް ގޮސް އުޅެނިކޮށް ގެއްލުނު ފިރިހެންމީހާ ފެނިއްޖެއެވެ.
ގެއްލިގެން ހޯދީ ޏ. ފުވައްމުލައް، ސްޓެއްލާ، ހުސައިން މުހައްމަދު ދީދީ (63 އ) އެވެ.
Advertisement
ޔަލަމްލަމް ޖަމާއަތުން ބުނީ ހުސައިން މުހައްމަދު ދީދީ މިހާރު ވަނީ ފެނިފައިކަމަށާއި، އަދި އޭނާގެ ހާލު ރަނގަޅުކަމަށެވެ.
އަދި ހުސައިން މުހައްމަދު ދީދީ ހޯދުމުގައި އެހީވެދިން ހުރިހާ ފަރާތްތަކަށް އެ ޖަމާއަތުން ވަނީ ޝުކުރު އަދާކޮށްފައެވެ.
އުމްރާގެ އަޅުކަން އަދާކުރުމަށް ހުސައިން މުހައްމަދު ދީދީ ދިޔައީ އިއްޔެގެ ވަގުތެއްގައެވެ. ހުސައިން ގެއްލުނީ އުމްރާގެ އަޅުކަން ފުރިހަމަ ކުރުމަށް ސައީ ކުރަނިކޮށެވެ.
އަދި ހުސައިން ގެއްލުނުއިރު ހުރީ އިހުރާމު ބަންދެގެން، ޖަމާއަތުގެ ފާސް އަޅައިގެން ކަމަށް އެ ޖަމާއަތުން ބުނެފައިވެއެވެ.
މި ލިޔުން ކިޔާލުމުން
