މާލޭގައި މިރޭ ހަވާ އެރުވުމަށް ހަމަޖެހިފައިވާ ކަމަށް އެމްއެންޑީއެފުން ބުނެފިއެވެ.
އެމްއެންޑީއެފުން މިއަދު ބުނީ މިއަދު 21:00 ގައި މާލޭ އާޓިފިޝަލް ބީޗުގައި ހަވާ އަރުވާނެ ކަމަށެވެ. މިގޮތުން ވިޔަފާރި އުސޫލުން ޕްރައިވެޓް އިވެންޓަކަށް ސިފައިންގެ ކޯޕަރޭޓިވް (ސިފްކޯ) އިން ކުރިއަށްގެންދާ މި ހަރަކާތް ކުރިއަށް ދާނީ 5 މިނެޓެއް ހާއިރު ކަމަށްވެސް އެމްއެންޑީއެފުން ވަނީ ބުނެފައެވެ.
އާޓިފިޝަލް ބީޗް މޫދުގައި މިރޭ 21:00 ގައި ހަވާ އެރުވުމަށް ވަނީ ހަމަޖެހިފަ. ވިޔަފާރި އުސޫލުން ޕްރައިވެޓް އިވެންޓަކަށް ސިފައިންގެ ކޯޕަރޭޓިވް (ސިފްކޯ) އިން ކުރިއަށްގެންދާ މި ހަރަކާތް ކުރިއަށް ދާނީ 5 މިނެޓެއް ހާއިރު.
— Maldives National Defence Force (@MNDF_Official) December 27, 2024
ވިޔަފާރި އުސޫލުން ކައިވެނިތަކާއި އެކިއެކި ހަރަކާތްތަކާއި ޙަފުލާތަކަށް ހަވާ އެރުވުމުގެ ޅިދުމަތް ސިފްކޯއިން ފޯރުކޮށްދެއެވެ. އައު އަހަރު ފެށުމާ ގުޅިގެންވެސް ހަވާ އެރުވުމަށް ހަމަޖެހިފައިވާއިރު، އައު އަހަރާ ގުޅުވައިގެން ހަވާ އެރުވުމަށް ތައްޔާރުވުމުގެ ގޮތުން އެމްއެންޑީއެފުން ވަނީ ރޭ ހުޅުމާލޭ ފޭސް 3 ގައިވެސް ހަވާ އެރުވުމުގެ ތަމްރީނެއް ކުރިއަށްގެންގޮސްފައެވެ.
މި ލިޔުން ކިޔާލުމުން
