ޒަކާތު ފަންޑުން ޣައްޒާގެ ރައްޔިތުންނަށް ބޯފެން ފޯރުކޮށްދީފި

ދިވެހިރާއްޖޭގެ ޒަކާތު ފަންޑުން ޣައްޒާގެ ރައްޔިތުންނަށް ބޯފެން ފޯރުކޮށްދީފިއެވެ. މިއެހީ ޣައްޒާ ގެ ރައްޔިތުންނަށް ފޯރުކޮށްދެނީ ޤަތަރު ރެޑް ކްރެސެންޓް މެދުވެރިކޮށެވެ. ޤަތަރު ރެޑްކްރެސެންޓުން އާއްމުކޮށްފައިވާ މައުލޫމާތުގައިވާ ގޮތުން،ރާއްޖޭގެ ޒަކާތު ފަންޑުގެ އެހީގައި  އަލްޝިފާ ހޮސްޕިޓަލާއި އަލް ހަޔާތު ހޮސްޕިޓަލުގައި ހާލު ޖެހިފައިވާ ފަރާތްތަކަށް، މިހާތަނަށް 6،000 ފެން ކޭސް ބަހާފައިވެއެވެ.

With funding from @ZakatHouseMv , Water Supply project launched in Gaza by #QRCS field personnel, with 6,000 bottled water boxes distributed to injuries & patients at Al-Shifa and Al-Hayat Hospitals, out of 50,000 water boxes to be distributed to 60,000 underserved people. pic.twitter.com/NSRHJSCboQ

— Qatar Red Crescent | الهلال الأحمر القطري (@QRCS) December 16, 2024

އިސްލާމިކް މިނިސްޓަރ ޑރ. މުޙައްމަދު ޝަހީމް އަލީ ސަޢީދު ވިދާޅުވީ، ރާއްޖޭގެ ޒަކާތު ހައުސްގެ އެހީ ޣައްޒާގެ ރައްޔިތުންނާއި ހަމައަށް ވާސިލް ވެއްޖެ ކަމަށެވެ. މިއީ ޒަކާތު އިދާރާއިން ބޭރުގައި ޙާލުގައި ޖެހިފައިވާ ބަޔަކަށް އެހީވާ ފުރަތަމަ ފަހަރުކަންވެސް މިނިސްޓަރ ފާހަގަކުރެއްވިއެވެ. ޤަތަރު ރެޑްކްރެސެންޓުން ހާމަކޮށްފައިވާ ގޮތުން ޣައްޒާގެ، ހާލުގައި ޖެހިފައިވާ 60،000 ރައްޔިތުންނަށް ޒަކާތު ހައުސްގެ އެހީގައި 50،000 ފެން ކޭސް ބެހުމަށް ވަނީ ނިންމާފައެވެ. އިސްލާމިކް މިނިސްޓްރީގެ ދަށުން ހިންގާ ޒަކާތު ފަންޑުން ގާޒާގެ ރައްޔިތުންނަށް އެއްލައްކަ ޑޮލަރު (1.5 މިލިއަން ރުފިޔާ) ގަތަރު ރެޑް ކްރެސެންޓް ސޮސައިޓީ (ކިއުއާރްސީއެސް) އާ ޙަވާލުކުރީ މިދިޔަ ނޮވެމްބަރު މަހުގެ ފަހުކޮޅުގައެވެ.