ޖަޕާންގެ ޓްރެވަލް އެޖެންޓުންނަށް ރާއްޖެއާ ބެހޭ މަޢުލޫމާތު ދީފި

ޖަޕާންގެ ވެރިރަށް ޓޯކްޔޯގެ ޓްރެވަލް އެޖެންޓުންނާއި އެޑްވައިޒަރުންނަށް ދިވެހިރާއްޖެއާ ބެހޭ މަޢުލޫމާތު ސެޝަނެއް ކުރިއަށްގެންގޮސްފިއެވެ. ޖަޕާންގައި ހުންނަ ދިވެހިރާއްޖޭގެ އެމްބަސީން ކުރިއަށްގެންދިޔަ މި ސެޝަންގައި ރާއްޖެއަށް ދަތުރުކުރުމާއި، ރާއްޖޭގެ ފަތުރުވެރިކަމުގެ ސިނާޢަތާ ބެހޭ މަޢުލޫމާތު ބައިވެރިންނަށް ވަނީ ދީފައެވެ. އެމްބަސީން ހާމަކޮށްފައިވާ ގޮތުގައި މި ސެޝަންގައި ވަނީ އަންނަ އަހަރު ރާއްޖެއަށް ޒިޔާރަތްކުރާ ޖަޕާންގެ ފަތުރުވެރިންގެ އަދަދު އިތުރުކުރުމުގެ މަޤުޞަދުގައި، ރާއްޖެއަކީ "ޓޮޕް ޑެސްޓިނޭޝަން" އެއްގެ ގޮތުގައި އަލިއަޅުވާލާފައި ކަމަށެވެ.

The Embassy hosted an information session on the Maldives travel and tourism sector for travel agents and advisors in Tokyo. The session highlighted the Maldives as a top destination, aiming to boost tourist arrivals from Japan in 2025. pic.twitter.com/wo7lSFZDME

— Maldives in Japan (@MDVinJapan) December 24, 2024

ޖަޕާންގައި ރާއްޖެ މަންޒިލެއްގެ ގޮތުގައި އިޝްތިހާރުކުރުމަށް މި އަހަރުގެ ޖޫން މަހުގެ ތެރޭގައި މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އާއި މެލޭޝިއާ އެއާލައިންސް ގުޅިގެން ވަނީ ވެބިނާއެއްވެސް ބާއްވައިފައެވެ.