ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އަށް އަލަށް ޢައްޔަނުކުރެވުނު މެނޭޖިންގ ޑިރެކްޓަރ، މަޢުރޫފް ޖަމީލް، އެންމެހައި ކަންކަން އިޞްލާޙުކުރައްވާނެ ކަމަށް އުއްމީދުކުރައްވާ ކަމުގައި ކުރީގެ ރައީސް އަދި ރައްޔިތުންގެ މަޖިލީހުގެ ކުރީގެ ރައީސް، މުޙައްމަދު ނަޝީދު ވިދާޅުވެއްޖެއެވެ.
މިއަދު އެކްސްގައި ކުރެއްވި ޕޯސްޓެއްގައި ރައިސް ނަޝީދު ވިދާޅުވީ، ނުޙައްޤުން ގޯތި ބަހާފައިވަ މައްސަލައާ ގުޅޭގޮތުން އަނެއްކާވެސް ދަންނަވަން އޮތީ މީގެ ކުރީގައިވެސް ދެންނެވި ވާހަކަ ކަމަށެވެ. އެގޮތުން ކުރީގައިވެސް ލިސްޓު ހަދާފައިވަނީ ބޭއިންސާފުން އެތައް ބަޔަކަށް ގޯތި ލިބޭ ގޮތަށް ކަމަށާއި، މިފަހަރު އަނެއްކާވެސް އެ ބޭއިންސާފަށް އިތުރު ބޮޅެއް އެކުލަވާލެވުނީ ކަމަށް އެމަނިކުފާނުގެ ޕޯސްޓުގައ ިވިދާޅުވެފައިވެއެވެ.
Nuhaggun goathi bahaafaiva massala aai gulhey gothun anehkaaves dhanavaan othee meege kureegaives dhennevi vaahaka. Kureegaives list hadhaafa vanee beyinsaafun ethah bayakah goathi libey gothah. Mifaharu anehkaves e beyinsaafah ithuru bolheh ekulavaa levunee.
— Mohamed Nasheed (@MohamedNasheed) December 23, 2024
"އެހެންނަމަވެސް މިފަހަރު މިވަނީ މި މައްސަލަ ތަޙުޤީޤުކުރަން ފަށައި އަދި އެޗްޑީސީގެ ވެރިން ބަދަލުކޮށްފައި"، ރައީސް ނަޝީދު ވިދާޅުވިއެވެ.
އެމަނިކުފާނު ވިދާޅުވީ، އުއްމީދުކުރައްވަނީ ދިވެހި ފުލުހުންގެ ޚިދުމަތުން ރަނގަޅު ތަޙުޤީޤެއް ހިންގާނެ ކަމަށް އަދި މަޢުރޫފް ޖަމީލް އެންމެ ކަންކަން އިޞްލާޙު ކުރައްވާނެ ކަމަށް ކަމަށެވެ.
މި ލިޔުން ކިޔާލުމުން
