ގޯސްވާނެ ކަމަށް ލަފާކުރެވޭތީ ރާއްޖޭގެ އެންމެ އަތޮޅެއް ފިޔަވައި ހުރިހާ އަތޮޅަކަށް ހުދު ސަމާލު ނެރެފިއެވެ.
މޯލްޑިވްސް މީޓިއޮރޮލޮޖިކަލް ސަރވިސް (މެޓް) އިން ށ.އަތޮޅުން ބ.އަތޮޅަށް ހުދު ސަމާލު ނެރެފައިވަނީ މިރޭ މެންދަމު 03:00 އާ ހަމައަށެވެ. އެ ސަރަހައްދުތަކަށް ބޯކޮށް ވާރޭވެހުމާއެކު ގުގުރާނެ ކަމަށާއި، ވިލާގަނޑުގައި ގަޑިއަކު 45 މޭލަަށް ވައިގަދަވާނެ ކަމަށް ވަނީ ލަފާކޮށްފައެވެ.
މީގެއިތުރުން ބ.އަތޮޅުން ފެށިގެން އައްޑޫ ސިޓީއަށް މެންދަމު 03:00 އާ ހަމައަށް ހުދު ސަމާލު ނެރެފައިވާއިރު، އެ ސަރަހައްދުތަކަށް ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހި ކަނޑުތައް ގަދަވާނެ ކަމަށް ވަނީ ލަފާކޮށްފައެވެ.
މެޓް އޮފީހުން ހާމަކޮށްފައިވާ ގޮތުން، ދިޔަވަރު ބޮޑުވާ ވަގުތުތަކުގައި މެދުރާއްޖެތެރެއާއި، ދެކުނުގެ އަތޮޅުތަކަށް އުދައިގެ އަސަރުކުރުން އެކަށީގެންވެއެވެ.
އެހެންކަމުން ހުރިހާ ފަރާތްތަކުން ވެސް މޫސުމަށް ސަމާލުވުމަށް ވަނީ އިލްތިމާސްކޮށްފައެވެ.
މި ލިޔުން ކިޔާލުމުން
