ޕެންޝަން އޮފީހާއި ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ) އާ ދެމެދު މެމޮރަންޑަމް އޮފް އަންޑަސްޓޭންޑިންގ (އެމް.އޯ.ޔޫ) އެއްގައި ސޮއިކޮށްފިއެވެ.
ޕެންޝަން އޮފީހުން ބުނީ މި އެމް.އޯ.ޔޫގެ ދަށުން ޕެންޝަން އޮފީހުގެ މަސައްކަތްތަކާއި ގުޅޭ އެކި ދާއިރާތަކުން ދިރާސާ ކުރުމަށާއި، ޕެންޝަނާއި މާލީ ކަންކަމާ ގުޅޭ ހޭލުންތެރިކަން އިތުރުކުރުމުގެ ޕްރޮގްރާމްތައް ހިންގުމުގައި އެއްބާރުލުން ދިނުމަށް ދެ މުއައްސަސާއިން އެއްބަސްވެފައިވެއެވެ.
އެމް.އެން.ޔޫ އިން ވިދާޅުވީ މި އެއްބަސްވުމުގެ ދަށުން، ދެ މުޢައްސަސާ ގުޅިގެން، މުޖުތަމަޢަށް ފައިދާހުރި މަސައްކަތްކުރުމާއި އައު ފުރުޞަތުތައް ހޯދުމަށް ދެ ފަރާތުން ގުޅިގެން މަސައްކަތްކުރުމަށް ލިބުނު ފުރުސަތެއް ކަަަމަށެވެ.
ޕެންޝަން އޮފީހުގައި ބޭއްވި ރަސްމިއްޔާތެއްގައި މި އެމް.އޯ.ޔޫ ގައި ޕެންޝަން އޮފީހުގެ ފަރާތުން ސޮއިކުރެއްވީ ޗީފް އެގްޒެކްޓިވް އޮފިސަރ ސުޖާތާ ޙަލީމް އެވެ. އަދި ދިވެހިރާއްޖޭގެ ޤައުމީ ޔުނިވަރސިޓީގެ ފަރާތުން ސޮއިކުރެއްވީ ވައިސް ޗާންސެލަރ ޑރ. އާއިޝަތު ޝެހެނާޒް އާދަމް އެވެ.
މި ލިޔުން ކިޔާލުމުން
