ލ. ފޮނަދޫ ކުރިމަގު ފުޓްސަލް ދަނޑު ތަރައްޤީ ކުރުމަށް އެއްބަސްވުމުގައި ސޮއިކޮށްފި އެވެ.
މިގޮތުން ކުޅިވަރު ވުޒާރާގައި އޮތް ހާއްސަ ރަސްމިއްޔާތެއްގައި ލ. ފޮނަދޫ ކުރިމަގު ފުޓްސަލް ދަނޑު ތަރައްޤީކުރުމުގެ މަސައްކަތް ހަވާލުކުރީ މެގަ ލިންކް ޕްރައިވެޓް ލިމިޓެޑާ ކަމުގައި އެ ވުޒާރާއިން ވަނީ ހާމަކޮށްފައެވެ.
މި އެއްބަސްވުމުގައި ކުޅިވަރު ވުޒާރާގެ ފަރާތުން ސޮއިކުރެއްވީ ކުޅިވަރާއި ހަށިހެޔޮކަމާ ބެހޭ ވަޒީރުގެ ނައިބު، ޙުސައިން ނިހާދެވެ.
ފުޓްސަލް ދަނޑު ތަރައްޤީކުރުމުގެ މަސައްކަތުގެ އަގަކީ 1،559،053ރ. (އެއް މިލިއަން ފަސް ލައްކަ ފަންސާސް ނުވަހާސް، ފަންސާސް ތިން ރުފިޔާ) އެވެ. އެއްބަސްވުމުގައި ވާ ގޮތުން 38 ދުވަހުގެ ތެރޭގައި ދަނޑުގެ މަސައްކަތް ނިންމަން ޖެހެއެވެ.
