ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ދިވެހިރާއްޖެއިން ތައިލެންޑަށް ކަނޑައަޅުއްވާފައި ހުންނަވާ ސަފީރު ކަމުގެ މަގާމަށް މއ. ތަޅަމުދިގެ، ފުއާދު ތައުފީޤް މިއަދު އައްޔަންކުރައްވައިފިއެވެ.
ތައިލެންޑުގައި ހުންނަވާ ސަފީރުކަމަށް ފުއާދު އައްޔަން ކުރައްވައި، މަގާމުގެ ފަތްކޮޅު ހަވާލުކޮށްދެއްވީ، މިކަމަށްޓަކައި މިއަދު ހެނދުނު ރައީސުލްޖުމްހޫރިއްޔާގެ އޮފީހުގައި ބޭއްވެވި ރަސްމިއްޔާތެއްގައެވެ.
ސަފީރުކަމަށް އައްޔަން ކުރެއްވުމުގެ ކުރިން ފުއާދު ހުންނެވީ ފޮރިން މިނިސްޓްރީގެ އެމްބަސެޑަރ އެޓް ލަރޖްގެ މަގާމުގައެވެ.
ފުއާދު ތައުފީގަކީ ދެ ދައުރެއްގައި އިލެކްޝަންސް ކޮމިޝަން (އީސީ) ގެ ރައީސްކަމުގެ މަގާމު ފުރުއްވާފައިވާ ބޭފުޅެކެވެ. ދެވަނަ ފަހަރަށް އީސީގެ ރައީސް ކަމަށް ފުއާދު އައްޔަންކުރީ 2019 ވަނަ އަހަރުގެ ނޮވެމްބަރު 24 ގައެވެ. އޭނާގެ މިދިޔަ މަހުގެ 23 ވީ ހޮނިހިރު ދުވަހުއެވެ.
ފުއާދު ސަރުކާރަށް ޚިދުމަތްކުރައްވަމުން ގެންދަވާތާ މިހާރު ވަނީ 35 އަހަރުވެފައެވެ.
