ރައްޔިތުންގެ މަޖިލީހުގެ މިއަހަރުގެ ފަހު ދައުރު މިއަދު ނިންމާލައިފިއެވެ.
މަޖިލީހުގެ ގަވާއިދުގައިވާ ގޮތުން ތިންވަނަ ދައުރު ހިނގާނީ އޮކްޓޫބަރު މަހުގެ 01 ވަނަ ދުވަހުން ފެށިގެން ނޮވެމްބަރު މަހުގެ ނިޔަލަށެވެ. ނަމަވެސް ގިނަ މަސައްކަތްތަކެއް ހުރުމުން ފަހު ދައުރުގެ މުއްދަތު އިތުރުކުރީ މި މަހުގެ 15 ގެ ނިޔަލަށެވެ.
މިއަދުގެ ޖަލްސާ ނިންމަވައިލައްވަމުން މަޖިލީހުގެ ރައީސް ޢަބްދުއްރަޙީމް ޢަބްދުﷲ ވިދާޅުވީ މި ދައުރުގައި މަޖިލީހަށް ހުށަހެޅި މަސައްކަތްތަކުގެ ތެރެއިން 73.3 އިންސައްތަ މަސައްކަތް ނިމިފައިވާ ކަމަށެވެ.
އެގޮތުން މި އަހަރުގެ ފަހު ދައުރުގައި 27 ޖަލްސާއެއް ބޭއްވިއިރު، ކޮމިޓީތަކުން 165 ބައްދަލުވުމެއް ބާއްވާފައި ވެއެވެ.
އެ ޖަލްސާތަކުގައި 20 ބިލެއް ހުށަހަޅައި، 4 ކުއްލި މައްސަލައެއްގެ ބަހުސް ކުރިއަށްގެންދިޔައިރު، 20 މައްސަލައެއް މަޖިލީހަށް ހުށަހަޅައި އެ މައްސަލަތަކާ ގުޅޭ މަސައްކަތްތައް ވެސް ވަނީ ކޮށްފައެވެ.
މަޖިލިސް ރައީސް ވިދާޅުވި ގޮތުގައި ދެން ފެށޭ ދައުރު ވެސް ވެގެންދާނީ އުފެއްދުންތެރި އަދި ބިނާކުރުވަނިވި މަސައްކަތްތަކެއް ކުރެވޭ ދައުރަކަށެވެ.
ތިން މަހުގެ ޗުއްޓީއަކަށްފަހު ކޮންމެ އަހަރެއްގައި ވެސް މަޖިލީހުގެ ފުރަތަމަ ދައުރު ފަށާނީ ފެބްރުއަރީ 01 ގައެވެ. 15 މެއިގެ ނިޔަލަށް އެ ދައުރު ކުރިއަށްދާއިރު، ދެވަނަ ދައުރު ކުރިއަށްދާނީ 01 ޖޫންއިން 15 އޮގަސްޓުގެ ނިޔަލަށެވެ.
މި ލިޔުން ކިޔާލުމުން
